TIEMPI MODERNI
- Dettagli
- Categoria principale: ROOT
- Visite: 950
TIEMPI MODERNI
Ogni jiornata comincia e mora
Cu na pinnula pe’ lu cora,
cafhè amaru e latta scrematu
mu ti ricuordi ca’ sini malatu.
Cchjiù jiamu avanti ed’è piejiu ancora
‘nc’è tanta pasta e pumadora
‘nc’esta de’ tuttu de’ la A a la Z
Ma no’ pùa mangiara c’hai lu diabeta.
Tutti li cuosi chi ti piaciarienu:
Pana, sozzizzu e nu bicchieri de’ vinu,
pua sulu assaggiara ma, cu tanta attenzioni
nommu ti izza chiggha pressioni.
Na Parmigiana e quattru lasagni
Si ti li mangi hai mu ti spagni
Alici fhritti e carni ‘mbrodu
Pemmu l’assaggi hai mu truovi lu modu.
Puru a lu Barra fhai brutti fhiguri
Quandu a n’amicu ‘nci puorgi l’auguri,
no’ vivi Birra, Aranciata o Sambuca
c’hai lu diabeta chi certu t’affuca.
‘Nc’esta pe’ tutti na’ parrasìa:
Colistiloru o Glicemìa,
no’ ‘nc’èsta la crisi de’ lu trentasìa
ma, ognunu de’ nui ha na’ malatìa.
Er. Ga.
