Lu cavagghu de' carrozza
- Dettagli
- Categoria principale: ROOT
- Visite: 781
Lu cavagghu de' carrozza
Quandu tirava ancora la carrozza
La biava m’arrivava cu lu catu
Mo chi li ricchji tiegnu calati
Su cchiù li jiuorni chi riestu ncamatu.
Quandu portava a spassu li signori
Mi vestienu sempre cchiù pulitu
Retini nuovi cu pinnacchiu ncapu ...
Paria nu giuvinottu quandu é zzitu .
Nda ntisi cuosi belli cu sti ricchi. . .
Girandu ntuornu cu l’annamurati. . .
Vasati, prumisi e giuramenti
mbiscati cu paluori nzuccarati!. . .
Guardati quantu è ngràtu chistu mundu:
Quand’unu mbecchjia chi voria ajiutatu .
Si scordanu tutti lu tiempu passatu
E propi tandu sini abbandunatu !. . .
E’ la paga chi ni spetta a la vecchjaja
Cu si ricorda cchiù quand’ieri bellu .....
Appena cominci mu duni fastidiu
Ti vindanu pe' carni de macellu !. . .
G.B.G.
