Quandu cumandavanu li Fhascisti

Quandu cumandavanu li Fhascisti
 
Io, prima ancora de pattrita, vitti tutti li malifhatti de lu fhascismu chi regnava a li tiempi mia e chi eranu veramenta difficili.
Pattrita è mbeci, nu prodottu de lu dopuguerra, e pe chistu non’happa modu mu vida chigghu chi io vitti però, puru igghu conduciu na vita difficili pecchi eranu periode vera fhami. Si po’ ritenira fhortunatu ca no’ nescìu duranti la guerra e no’ vitta mancu li malifhatti de lu periodu fhascista, pecchì de chistu  e supa a chistu nda vitti e nda sentivi cuntara de tutti li culuri.
Li problemi nc’eranu pecchì nc’era puocu lavoru de fhara e chigghu chi nc’eraera sulu de vrazzali e fattu principarmenta nta li terreni de li gruossi proprietari e chi rendìa sulu pe igghu e pe l’attri era sempre nsufficienti mu si po’ tenira na fhamigghjia o penzara mi si nda fhacia una propria.
Cu lu fhacìa sapìa ca potìa patìra puru la fhami, e cu no si spusava era pecchì si rendìa cuntu ca no’ nci la potìa fhara.
L’urtima decisioni dipendìa sempre de la disperazioni, e spessu, si decidìa pe’ l’emigrazioni nta posti luntani, sperandu nta na miegghjiu.
Brutta cosa dassara la fhamigghjia pe’ emigrara, ma chigghu chi era piejiu, era lu costanti controllu supa a tuttu chigghu chi dicivi e tuttu chigghu chi facivi pecchì, cumandavanu lu Duci e li Fhascisti.
La parolad’ordini era “Ordini e Disciplina” e, pe chisti dui ideali fhasulli, a Igghi era concessa qualsiasi cosa e tuttu nc’era dovutu.
Eranu organizzati cuomu nu corpu militari e controllavanu ogni angulu de lu paisi, e scorazzavanu li squatri Fhascisti, cu na cammisa nivura e nu manganiegghu, e pistavanu e inchjianu de mazzati a tutti chigghi povari zzappaturi e soprattuttu a chigghi cittadini chi parravanu troppu e parravanu de libertà.
Lu regimi centrali volìa ordini e disciplina, e pemmu mantenanu st’ordini e sta disciplina, si cominciava de li cchjiù picciuli, de li fhigghjiuoli chi frequentavanu li scuoli elementari, costringienduli mu si vestanu e mu s’addestranu sicunda quantu stabilia lu regimi.
Eranu chisti li “Scuoli Fhascisti”.
Lu scopu educativu de sta scola, era chigghu de preparara li futuri fhascisti, e chistu era lu scopu principali dell’Opera Balilla, chi controllava e ndirizzava sia li masculi cali fhimmini già de quand’eranu picciuli e frequentavanu sulu la scola elementari.
L’Opera Balilla organizzava li cotrari, li giovanotti e li signorinelli, nta quattru gruppi diverzi chiamati: Balilla e Avanguardisti pe’ li masculi, e Piccole e Giovane Italiane pe’ li fhimminiegghi.
 
Sicundu quantu stabilìa la legge de l’Opera Balilla (1929), havìanu dirittu a l’istruzioni li giuvini de 8 anni fhina ali 18 anni, cu na tessera speciali chi venìa rilasciata a masculi e fimmini, puru de età cchiù picciula a li sia anni, quandu li fhamigghji nda fhacìanu richiesta.
Na vota tesserati vnìanu chjiamati Balilla e Piccole Italiane.
Li cotrari de 6 a 8 anni, chjiamati “Fhigghji de la Lupa”, portavanu na divisa particolara cu supalu piettu disegnata la Lupa de Roma chi agghattava Ronulu e Remu. De l’8° a lu 12° annu d’età, li Balilla eranu Escursionisti, de lu 12° a lu 14° annu Moschettieri; de lu 14° a lu 16° annu nc’ewranu l’Avanguardisti, e mpini de lu 16° a lu 18° li Mitraglieri.
 
Li fhimmini venìanu organizzati nta Piccole Italiane (de la nascita fhina a li 14 anni), e Giuvini Italiani (de 14 a 18 anni).
L’attività chi nci fhacìanu fhara eranu adatti a l’età chi portavanu, a l’essere fhimmini, a li funzioni chi havìanu mu esercitanu nta l’organizzazioni fhascista e consistìanu nta corsi de tagliu e cucitu, rigamu, corzi de igieni personali, prontu soccorsu, economia domestica, ginnastica ritmica, giti ed’escursioni.
 (Chistu cunta la storia)
Pe’ Curnga, la Casa Colonica de lu Chjianu de l’Aria resta pe’ parecchjiu tiempila testimonianza de tuttu chistu, pecchì era lu postu duva li Giuvini Balilla e li Giuvini Italiani venìanu addestrati a stu tipu d’attività.
Ntisi parrara de scorribandi nta casi de campagna e nta paisi picciuli, cu lu scopu mu appaguranu la povera gente, e quandu era possibili mu violentanu chigghi povari fhimmini chi stacìanu suli duranti la jiornata.
Nugghu li potìa cuntrastara, e pe’ lu Duce e lu Fhascismu, bastava mu si mentanu na cammisa nivura e portara nu manganiegghu mpendutu a li cavuzzi mu riducianu a l’assoluta obbidienza puru li cchjiù fuorti e rivoluzionari cittadini.
Nta stu periodu, pe lu Duce e pe’ lu Fhascismu, si commettiru tanti de chigghi omocidi e tanti de chigghi prepotenzi chi non’è possibili cchjiù ricordara e nemmenu cuntara.
Li paisi cchjiù picciuli eranu abbastanza a lu riparu de chisti manganegghijiati, pecchì no’ nc’eranu strati duva potìanu passara li machini, ma puru pecchì nc’era tanta povertà, e supa a chista, puocu havìanu de guadagnara.
La vuci de sti pattugliamienti fhascisti arrivavanu a tutti li parti, pur unta li posti chjiù luntani de la terra, e li prepotenti de lu postu nda approfhittavanu mentiendu in’attu ogni tipu de prepotenza, sempre pe’ nome e cuntu de lu Duce e de lu Fhascismu.
Ti cuntu na cosa chi succedìu nta curnga pemmu ti fhazzu capisciramiegghjiu qual’eranu li tiempi Fhascista pur unta curnga.
Ncunu certu si ricorda ancora de dui canati, chi havìanu convinzioni politici totalmenta diversi (unu acerrimu sostenituri de lu fhascismu (V. B.), e l’attru nu Comunistoni accanitu (S. C.).
Propi pecchì appartenianu a partiti diverzi, eranu spessu ncontrastu tra de igghi, no’ tantu pe nteressi fhamiliari chi no’ nc’eranu, tantu pe’ chigghu chi a V. B. lu partitu sua nci mponìa mu fhacia cuntra l’oppositori locali a lu regimi e, lu canatu, purtroppu, era unu de chisti.
Era lu periodu de li “Fhamosi Purghi” a basi de Uogghjiu de Ricino, n’uogghjiu chi si usava nmedicina cuomu purganti, e de chistu, l’oppositori cchjiù accaniti venianu costretti mu si nda vivanu armenu nu bicchieri, cu lu doppiu scopu mu esta purgativu e ntimidatoriu, fhaciendu capisciti ca la scena si potìa ripetira. V. B. obbedienti de regimi, appartenia
, pe’ convinzioni, a la segreterìa de partitu e facìa parti de lu gruppu dirigenziali, de chigghi chi decidianu a cui danara la purga. Pe’ stu motivu, cercava mu approfhitta de la posizioni chi havìa pemmu esta cchjiù comprenzivu cu lu canatu S. C. , chi era predestinatu a una de li tanti purghi chi si dunavanu nta curnga, pecchì era n’accanitu attivista Comunista.
S. C. no’ s’ammucciava, anzi nci tenìa mu afferma apertamente la sua appartenenzapolitica, soprattuttu quandu si mbrijiacava chi gridava ad’ogni vientu l’appartenenza sua, fhorta puru le possanza fhisica chi si ritrovava.
Si sentìa sicuru de igghu stessu, e no’ volìa mu ricanuscia ca era unu de li predestinati a la Purga Fhascista.
Lu canatu V. B. cercava mu lu cumbincia mu si presenta a la sezioni fhascista quandu nc’era igghu pecchì, accussì, nci dunava menu purga de chigga chi nci aspettava.
Nci rendìa accussì, menu umilianti la scena chi havìa mu si svolgia d’avanti a li cumpagni de partitu.
Lu stessu S. C., orgogliosu comunista cuntava: pe’ nommu nci dugnu soddisfazioni a canatuma, happaru mu mi portanu cu la fhorza a la sezioni e cu la fhorza mi costringiru mu mi vivu la purga. Mi tinnaru sedutu a na seggia, mi chjiusaru lu nasu nmodu mu mi cistringianu mu vivu, e mi versavanu la purga nta la vucca. Nci la sputai cchjiù vuoti nta la fhacci de chigghu chi mi chjiudìa lu nasu e nci la lavai per bene.
Li tiempi de li fhascismu, eranu purtroppu, puru chisti. Li carrieri scuri de lu paisi eranu lu postu ideali pemmu si cumportanu de veri vigliacchi, e spessu si fhinìa a scazzottati, soprattuttu accoppandu perzuni ricanusciuti cuomu sovversivi.
Lu piejiu era ca stu modu de fhara si fhacìa pe’ mu si menta paura a la povera gente puru quandu no’ nc’era bisuognu, ma appaguravanu soprattuttu chigghi povari signorini onesti e de bona fhamigghjia, mentiendu spessu a rischjiu la luoro verginità. Aspettavanu quandu jianu a lu catuojiu pemmu pigghjianu ligna pe’lu fhocularu o ncunu patatu o cipuggha pe’ cucinara tenuta propi nta lu catuojiu, e allora ncunu nda approfhittavanu pemmu nci zumpanu de ncuogghu.
A li signorini mci astutavanu la lanterna a uogghjiuo a petroliu chi nci servìa mu agghucia la strata scura chi portava a lu catuojiu. Nci zumpavanu de ncuogghu e la mala capitata attru no’ potìa fhara ca mu grida cercandu ajiutu a li vicini.
Li tentativi de violenza si riducianu nta la rottura dela lanterna e cu tantu spavientu pecchì, a lu gridu d’ajiutu de soccorsu, immediati eranu li perzuni chi nescianu fhora ntervniendu e sarvandu la fhimmina capitata.
Si chistu era nu latu de la medaglia, nc’erapuru lu rovesciu, nta lu senzu ca, ncunacoppia de nnammurati, fhidanzati o amanti chi fussaru, de propria volontà scenavanu n’aggressioni, cu lu semplici scopu mu si puonu arrobbara na vasata.
Cu segni apparentamente ncomprenzibili, scangiati tra nnammurati duranti la confusioni de na fhera, o duranti na prigessuoni e mentre si svolgìa na fhunzioni religiosa, portavanu a st’incontri imitandu clandestini aggressioni, chi spessu si concludìa cu nu fhelici e serenu matrimuoni.

Maccaturi Janchi
 
Quandu nta l’America ncuntrai certi paisani, mi cuntaru de strazianti addii e de tragici distacchi de la fhamigghjia e de liparienti.
Nci fhuru patri chi dassaru li fhigghji mu partanu, mammi chi accarizzavanu pe’ l’urtima vota lu fhigghjiu destinatu mu attraverza l’Oceanu, vicini de casa e paisani chi sbentulavanu Maccaturi jianchi mu salutanu pe’ l’urtima vota l’amicu chi partìa e . . . lacrimi a fhjiumi chi, de suli, rendianu sopportabili lu doluri.
Ti lu dicu a malincora ca mi li ricuordu puru io chigghi strazianti distacchi.
Nc’era de’ attraversara l’Oceanu cu tanti dubbi e tanta paura, e cu sa si lu destinu sarìa statu benevulu cu nui chi jiamu verzu l’ignotu.
Ricuordu li vicini mia de casa chi cu la presenza cercavanu mu alluntananu lu pessimismu chi s’annidava nta la mente de li genitori mia, e quandu arrivau lu jiuornu de lu distaccu, li paruoli diventaru strazianti e no’ fhinianu mai li raccumandazioni de li perzuni cchjiù anziani chi, delu mundu e dela vita penzavanu penzavanu can da sapianu forse de cchjiù.
 

Fazzoletti Bianchi

 

Siamo noi quelli dai fazzoletti bianchi

Sventolati con forza

Per avere salutato o per essere stati salutati

Da un finestra, da un balcone,

per la strada del paese,

da una altura ai confini del paese,

ad una stazione ferroviaria,

o da un molo ad un porto di mare.

 

Ancora oggi

Siamo noi quelli

Dai “Fazzoletti Bianchi”

Perché costretti a salutare

I nostri figli e i nostri parenti

Destinati ad emigrare per studio,

ma soprattutto per lavoro

e per una dignità più degna.

 

I tempi cambiano

e nonostante tutto

continuiamo a sventolare fazzoletti,

baciando e abbracciando figli e parenti

a stazioni e aeroporti,

e piangendo, ormai convinti,

che il futuro non vedrà più

le nostre famiglie unite.

 

Er. Ga.

 
 
Cu no’ potìa venira a la stazioni pe’ lu salutu fhinali, si chjiudìa nsè stessu e, culu sguardu smarritu fhissava nu puntu ndefhinitu de la stanza meditandu e cercandu mu nvoca mentalmenta, benevolenza e bona fhortuna pe’ chigghu chi partìa. Su cuosi chi mi restaru mpressi nta la menti pecchì l’havia vistu mprecedenza cu attri chi, nta st’emigrazioni, mi havìanu precedutu. Si seguia cu lu penzieru ogni passu chi alluntanava sempre cchjiù la perzuna cara de la casa sua, e si immagginavanu tanti maccaturi jianchi sbentulati nsegnu de’ benevulu salutu de lu marciapiedi dela stazioni fherroviaria e de l’affollatissimi Moli d’attraccu pe’li Navi diretti nta l’America. Purtroppu, no’ sulu maccaturi chi sbentulavanu, ma catati de lacrimi a cui era difficili mentìra fhini. E li lacrimi continuavanu puru li jiuorni successivi a la partenza, e la tristezza assalia li perzuni e li cumbogghjiava nta n’aloni mpenetrabili e tuttu chigghu chi succedìa ntuornu e tingìa ogni jiornata de na tristezza ndescrivibili.
A confortu de sta vita magra, nc’era sempre lu vicinu de’ casa chi cercava notizi e si mpurmava supala perzuna chi havìa partutu, e a l’orariu previstu de lu passaggiu de lu Postinu, tutti stacianu appojiati a la porteggha de’ casa cu la speranza mu ricivanu ncuna notizia de’ luntanu. E l’attesa si ripetìa a lu stessu modu lu jiuornu doppu quando lu postinu passava dirittu senza cunzignara nuggha missiva, e s’accumulava accussì tanta sofferenza tra na missiva e n’attra, pecchì si aspettavanu jiuornu doppu jiuornu chigghi belli notizi pe cui tutti pregavanu e nta cui tutti confidavanu.
Quandu l’attesa venìa fhinarmente ricompenzata de l’arrivu de’ na busta a strisci colorati, si ringrazziava pe’ primu la Madonna, li trepidazioni fhinarmente scumparianu e cumparìa supa la fhacci de’ cui l’havìa ricevuta lu sorrisu de la speranza.
De lu contenutu, qualunque era, venianu subitu misi alcorrente tutti li parienti e li vicini de’ casa, soprattuttu chigghi cchjiù affettuosi e sinceri, chigghi chi, senza nugghu nteressi si rendianu partecipi sia a li gioji ca a li disgrazzi pervenuti, spendiendu sempre na parola de’ consolazioni.
Li buoni notizi viaggiavanu de casa ncasa cu na velocità inaudita, e nta puocu tiempu, tutti venìanu a sapira la bona riuscita delu viaggiu, de l’ingressu nta sta nova terra e de lu lavoru chi gghà no’ mancava.
Eranu chisti li notizi chi invogliavanu attri perzuni de lu postu pemmu partanu e chi dunavanu speranza a cui campava nta la miseria e meditava la partenza.
Era n’ecu chi rimbalzava dena via a n’attra e de na’ carrera a n’attra, e accussì li siri, prima de jira a dormira, nta li fhamigghji si discutìa de la possibilità de potìra partira e de chiggha speranza chi si potìa concretizzara puru pe’ igghi.
Era argomentu de’ discussioni puru durante la jiornata de fhatiga, e accussì, tra na zzappata e n’attra, si valutavanu puru sti remoti possibilità de partenza, ed’eranu propri sti discussioni, assema a la fhatiga giornaliera, chi dunavanu la spinta decisiva verzu la partenza.
E ccà, trasia njiuocu la Balici de’ Cartuni chi cominciava mu si inchjia de’ speranza, e quandu nta chista fhinianu puru chigghi puocu cuosi utili a la sopravvivenza, si partìa verzu l’ignotu.
Si chista era la tristi realtà deli tiempi de cui stacìmu parrandu, puru ojia capiscivi ca li cuosi no’ sunu tantu diverzi pecchì, si continua mperterriti ad’emigrara.
Superati l’anni de lu Boom economicu, si tornau a chiggha vecchjia esigenza de partira, cu la differenza ca si continua ad’emigrara puru pe’ chigghi cuosi chi havarianu d’essere nu dirittu pe’ tutti li perzuni umani.
Si parta pe’ curara miegghjiu na Malatìa, si emigra pe’ dunara cchjiù qualità a li studi fhatti, si emigra pe’ trovara degna occupazioni lavorativa e pe’ dara concretezza a li studi e a li Lauri conseguiti spessu, cu lu massimu de li voti.
 
No’ nc’è cchjiù la Balici de’ Cartuni chjina e ligata cu nu Spacu nta lu dubbiu ca si potarìa apirira e perdira accussì chigghi puocu speranzi de’ sopravvivenza, ma Lauri e pergameni chi attestanu qualità e canuscenza chi ccà, adduva a nui, non’è possibbili utilizzara.
E si continua a emigrara a la ricerca de nu postu duva mpiantara na nova vita e fhissarala permanenza dassandu ancora na vota, l’abbandonu de l’affetti cchjiù cari de li parienti, de li genitori e de’ l’amici tutti, spendiendu ogni sorta de risorza economica a benefhiciu de’ la citta randa e d’ lu fhamigeratu progressu.