Quandu li fhimmini scangiavanu oggetti cu capigghji

Quandu li fhimmini scangiavanu oggetti cu capigghji
                                                          
Bellu èsta ojia vidìra tutti sti giovanotti pe la strata, a lu Barra, supa lu corzu passijiara ncumpagnìa de amici sia masculi sia fhimmini senza nugghu mu nci grida.
Non’era accussì a li tiempi mia nta lu senzu ca li masculi e li fhimmini sembravanu de dui razzi differenti, e li fhimmini spusati e chigghi nta l’età de maritu, eranu sempre mpegnati nta li fhaccendi de casa quandu no’ jianu ncampagna cu li patri o li mariti mu fhanu ncuna fhatiga stagionali.
Quandu fhora casa no nc’era nugghu lavoru de fhara, li nesciuti de li fhimmini si limitavanu mu pigghjianu ligna de nta lu catuojiu, chi si trovava vicinu a la casa, o mu pigghjianu acqua a la fhuntana vicina, o mu vanu a la chjiesa mu assistanu a li fhunzioni religiosi, pe attru, puocu o nenta.
Tuttu chistu signifhicava ca li fhimmini eranu seri e cuntegnusi, ed’eranu na garanzìa de onestà pe li mariti o pe li patri de fhamigghjia, ed’eranu cuosi positivi chi fhacìanu prefherira na cotrara a n’attra o na fhamigghjia a n’attra da parti de nu possibili fhidanzatu.
Pe l’uomu era tuttu diverzu pecchì, pe igghu, nc’era sempre tutta la libertà possibbili pemmu po’ nescìra de casa, puru quandu no’ nc’era de fhatigara ncampagna e no’ nc’era nemmenu de tagghjiara ligna pe lu fhocularu de la casa.
L’uomu potìa nescìra a qualsiasi orariu, e tutti li momenti eranu buoni mu vannu mu trovanu l’amici a la Bettula mu si fhanu na partita a li carti, oppuru a lu Barra, o nta na putifha de Varvieri o de Scarparu mu po’ passara lu tiempu senza mu si ncriscia, parrandu de tuttu chigghu chi si potìa parrara cu l’amici presenti.
 
No’ nc’eranu Televisioni e puru li Radiu scarsijiavanu nta li casi de li curinghisi pe’ cui, avivi mu ti mpegni mu truovi lu modu buonu mu passi lu tiempu libaru.
Pe’ li fhimmini, cuomu ti dissi, puocu eranu l’occasioni mu si po’ nescìra de casa cu lu semplici scopu de passara nu puocu de tiempu cu n’amica o cu la vicina de casa pemmu si po’ distraìra de li soliti cuosi de fhamigghjia.
 
Li discurzi “supra lu mignanu” de la vicina de casa, era una de chisti nesciuti ma, chigghi giustifhicati eranu chigghi chi si fhacìanu quandu arrivava lu vindituri Ambulanti chi vindìa panni de corredu o mutanti e canottieri, ma puru quandu passava l’Arrotinu o lu Crastaturi chi era addettu mu crasta li puorci mu puonu ngrassare ancora de cchjiù.
 
Potìa passara puru lu Stagninu pemmu sistema la coddara o li stagnati de rami o d’alluminiu, oppuru
U Capillaru chi scangiava capigghji de fhimmina cu li primi Cati e Vaschi de Plastica o cu Piettina e Piettinissi de uossu chi li fhimmini usavanu mu si liganu li capigghi arriedi a la testa.
 
Pe li strati passava puru lu Spingularu, chigghu chi vindìa spinguli, gugghji, fherretti, e fherrettini pe capigghji o lastichi pe mutanti, e quandu arrivava, era circundatu de fhimmini de tutti l’età.
 
Eranu occasioni chi avìa mu si sfruttanu pecchì si potìa accattara sutta casa tuttu chigghu chi si volìa, cu lu vindituri de na parti e li fhimmini de n’attra chi cercavanu sempre mu s’addubbanu supra a lu prezzu, fhaciendu fhinta puru ca si nda ijanu a la casa pemmu tornanu subbitu doppu, quandu s’avìanu rendutu cuntu ca lu prezzu stabilitu de lu vindituri lu potìanu affruntara mu puonu ottenìra chigghu chi volìanu.
 
 A li fhimmini de na certa età si jiungìanu puru li signorini quandu arrivava l’Arrotinu mu affila fhuorvici, curteggha e fhorviciegghi de rigamu nmodu mu tagghjianu miegghjiu e mu fhanu ancora cchjiù lestu lu lavoru de rigamu supa li tuvagghji, li fhederi de cuscinu e li linzola de la dota.
Lu Stagninu arrivava nta lu periodu chi s’ammazzavanu li puorci pecchì sapìa ca era l’occasioni bona mu stagna ncuna coddara e ncunu stagnatu chi venìanu usati mu si gugghjia lu Grassu de Puorcu e mu si cucina lu suffrittu cu carni fhrisca lu jiuornu chi s’ammazzava.
A differenza de l’attri ambulanti, lu Stagninu scegghjia nu determinatu postu, sistemava l’attrezzi, appicciava lu luci mu scarfa lu saldaturi e cominciava a stagnara fhressuri e stagnati a tutti li fhimmini chi lu volìanu.
Capitava ca nta la stessa jiornata no rescìa mu fhina lu lavoru chi avìa e accussì era costrettu mu torna lu jiuornu doppu, magari cangiandu postu nta la stessa jiornata.
Quala curinghisi no’ si ricorda lu Vandieri Bestianu Trovatu, chi fhicia stu lavoru nta curnga nta l’anni ’50 e 60 chi, pe li strati de Curnga gridava:
 “Cu hava Puorci de Crastara, mu si presenta domana mitinu a li ottu e menza, a Triccannali, ca vena lu crastaturi de Nicastru”.
Avvisava la popolazioni ca lu jiuornu doppu arrivava a Curnga lu Crastaturi de Nicastru, mu Crasta li puorci, operazioni chi l’ajiutava mu ngrassanu de cchjiù.
Inutili mu ti dicu ca tutti chigghi chi avìanu lu puorcu eranu ggha presenti, ed’eranu tanti pecchì tanti eranu li fhamigghji chi criscìanu lu puorcu a la saca.
Lu Crastaturi no’ scegghjia a casu Triccannali pemmu fhacia chisti operazioni, pecchì a Triccannali nc’era acqua abbundanti pemmu lava e mu sterilizza li fherra de l’operazioni prima mu passa de n’operazioni a chiggha successiva.
Li penzieri mia mi portanu mu mi ricuordu tutti chigghi fhimmini chi, de matìna, e spessu puru de pomeriggiu quandu a primavera o d’estati lu accunsentìanu, seduti supa lu scaluni de la porta de casa, si pettinavanu pe uri e uri prima mu si fhanu li trecci chi ojia, fhora moda, no’ si fhanu e no si vidanu cchjiù.
A chigghi tiempi, no si usava fhara la Parmanente a li capigghi e li fhimmini, no’ disponiendu de sciampi e de sapuni liquidu, li lavavanu raramente e quandu li lavavanu s’usava lu sapuni de casa chi li rendìa puliti, ma . . . no’ li profhumava; sulu adduru depulitu.
S’usava mbeci fhara Trecci luonghi e gruossi, chi li fhimmini maritati ncorcinijiavanu arriedi la testa e li fhermavanu cu na Pettinissa, mentre li signorini li dassavanu cadìra supa li spagghi.
Tra li signorini, nc’eranu puru chigghi chi si fhacìanu la Cuda de Cavagghu, na treccia unica chi scindìa arriedi a la schiena chi ti scialavi mu la vidi.
 Chigghu chi era caratteristicu de vidìra nta st’operazioni de pettinamientu, era l’usu de nu piettinu doppiu chi, de na vanda avìa li dienti stritti e de l’attra l’avìa cchiù larghi.
Doppu li primi passati cu lu piettinu a dienti larghi, si passava a li dienti stritti, e si passava e si ripassava tanti vuoti sia pemmu si stana ncuna piducchjia chi s’annidava nta la testa, sia pemmu si rendanu cchiù lisci e ordinati li capigghi.
Si pettinavanu spessu tra fhamiliari, cu la mamma chi pettinava la fhigghjia oppuru cu la nanna chi spulicava la niputi ma, succedìa puru ca la niputi pettinava a nannisa o a mammasa però, nta tutti li casi, non’usandu shampi o prodotti particulari, li capigghi cadianu nta la fhoddalicchjia o supa l’asciucamani appojiatu supra li spagghi.
Nente paura pecchì li capigghi chi cadìanu venìanu ricogghjiuti cu tanta cura, ncorcinijiati a fiocchettu ed’eranu na risorza pe quandu passava lu Capillaru.
 
Stu vindituri, arrivava a Curnga cu lu Postali, scindìa, si carricava ncuogghu na cascetta e na baligi, e cominciava a girara carrieri carrieri gridandu: “U Capillaru passa”, e subitu doppu, arrivavanu fhimmini de tutti li puntuni mu puonu scangiara li capigghji ricogghjiuti, magari cu ncuna catu de plastica.
 
Ognunu portava nu pugnu de capicchji ricoghhjiuti, e cominciava a cuntrattara supa l’oggettu de scangiara. Puocu capigghi potìanu fhruttara nu sculapasta, nu catu oppuru nu piettinu o fherretti pe capigghi; tuttu nquantità adeguata a li capigghji misi a barattu.
No’ liti ma. . . discussioni animati e portati a la longa pemmu si cuntratta e pemmu si sfianca lu nimicu nmodu mu s’arrivava a n’accordu vantaggiosu sia pe l’una ca pe’ l’attra parti.
N’attru perzunaggiu chi si presentava pe li strati de Curnga e no’ sulu, era chigghu chi vindìa Spinguli, Gugghji de dimenzioni diverza pe’ ripezzara nta la casa, fherretti e Pettinissi pe’ capigghi e fhettuccina de lastica pemmu si cangia chiggha chi s’era già sdillabbrata a li mutanti de li fhigghji o de li mariti o de igghi stessi.
Quandu arrivava era arrotatu de li signorini chi, a gruppi fhatigavanu ricamandu ggha la Maistra, pemmu s’accattanu li gugghji chi spessu si ruppienu.
Lu Vindulieri si presentava cu na gabbetta a bordu vasciu attaccata a lu cuogghu, e na balici mpenduta a la spaggha chi cuntenìa la merci cchjiù pregiata e tutti chigghi cuosi chi avìanu menu richiesta pecchì custavanu de cchjiù.
Quandu si fhermava, appojiava nterra sia la gabbetta ca la balici, l’apiria e fhacìa vidira tutta la merci chi portava.
Nta st’occasioni, si vindìa cuntrattandu lu prezzu e pagandu cu sordi ma, certi vuoti nc’era ncuna fhimmina chi offrìa poseggha o ciciari ncambiu de na bustina de gugghji de ricamu, o de ncuna Saccurasa, chiggha gugghja chi servìa pemmu si cusa lu saccuni tantu adoperatu de li fhamigghji de curnga.
Li Jiditali, li Pettinissi de uossu e li fherrettini pe capigghi si vindianu chjiù de ogni attra cosa, pecchì li fhimmini nci tenìanu mu si tenanu li capigghi tutti ordinati e ricogghjiuti arriedi a la testa, magari cu na pettinissa tutta decorata misa nmostra nta la chjiesa mentre si dicìa la missa o nta ncun’attra occasioni de fhesta cuomu matrimuoni o battesimi.

Fhissarii: cuosi de ricordara o de . . . scordara?

No’ sempre cuntandu de cuosi accaduti si rescia mu si dicia tuttu pecchì, cuntandu de chigghu chi succedìa e de chigghu chi nta la realtà si subìa, certi cuosi e certi particulari ti li scuordi sempe, e certi comportamenti e certi usanzi chi sembranu inutili, ti passanu propi de la mente. Puru guardandu na fotografìa vecchjia ti puonu sfuggira particolari chi cuntanu na storia, oppuru parrandu de cuosi chi ti succediru a tia stessu, scordandu atteggiamenti, si nci ripenzi doppu tantu tiempu, t’accuorgi ca ti puonu fhara capiscira miegghjiu la storia e lu tiempu passatu.

Si dissa sempre ca lu “tiemu è dinaru”, e na vota era ancora de cchjiù pecchì eranu tiempi de sacrifhici, certi vuoti puru de stenti e perdìra tiempu senza fhara nenta, era na cosa gravi pecchì potìa signifhicara fhara la fhami.

Avìa mu si fhacia ncuna cosa, fhatigara, puru li Dominichi e li fhiesti canusciuti; n’abitudini de vita portata avanti de tutti, chi magari sacrifhicavanu puru lu suonnu e lu ripuosu purchè rescianu mu fhanu fhruttara lu tiempu a disposizioni, levandusi mpiena notta, cominciandu a lavorara prima ancora chi lu sula nescìa, resciendu accussì mu si guadagna tiempu necessariu mu si mantenanu li rapporti sociali jiendu a la missa la Dominica e ncuntrandu l’amici nta la chjiazza nta li jiuorni de fhesta. Soprattuttu li Mastri fhacìanu de tuttu pemmu risparmianu cchiù tiempu possibbili, e cercavanu mu cumbincianu puru li discipuli chi frequentavanu la putifha sua mu si mparanu lu mistieri, e chi eranu tanti, mu fhanu lu stessu.

Pe li tiempi, sapìra fhara ncuna cosa, e avìra nu mistieri a manu, potìa signifhicara n’avvenira assicuratu, oppuru emigrazioni certa o addirittura zzappaturi a vita.

Cui, de la generazioni de l’anni ’40 – ’50 no’ si ricorda de lu fhamosu “riuggiu a sputazza”, na specie de signa tiempu e de spedienti misu mpratica de li Mastri, cu lu scopu mu stimula li discipuli e mu si rendanu cchjiù cuntu de lu tiempu chi passava?

Fhinira nu lavoru nta li tiempi giusti signifhicava ca lu Mastru si potìa dedicara ad’attri cuosi, a n’attra fhatiga, e fhaciendu de stu modu, potìa portara ncuna cosa de cchjiù a la casa sua, e chistu signifhicava tantu.

Nta Curnga no’ nc’era Mastru chi non’avìa nu piezzu de terra de zzappara e de coltivara ad’ortaggi o mu producia vinu e uogghjiu chi servìanu mu ncrementanu lu redditu fhamiliari.

La fhatiga de la campagna venìa fhatta propri nta sti ritagli de tiempu guadagnati e cu l’aiutu de li discipuli chi no’ si potìanu tirara arriedi mancu sta sti lavori, pecchì fhara lu discipulu, signifhicava fhara puru chistu.

Lu luni, ad’esempiu, jiuornu de tradizionali ripuosu pe li Varvieri, era dedicatu a li lavori de la vigna o de li livari, adduva jia cu tuttu lu seguitu de li discipuli pemmu cogghjia sermienti, mu cogghjia alivi, li fhraschi quandu fhacìa putara li livari, arramara o nzurfarara la vigna, e tanti attri cuosi.

Lu riuoggiu de la Chjiesa sonava ogni quartu d’ura, e tutti li Mastri sentiendulu, ahfhettavanu lu lavoru nmodu mu fhunanu lu stessu nta lu tiempu giustu, ma quandu si trattava de mandara a ncuna parti nu discipulu mu fhacìa n ambasciata, allora usava lu Riuoggiu a Sputazza.

No’ nc’eranu telefhoni o cellulari pemmu si comunica na notizia de nu postu a n’attru all’istanti, nc’era sulu la possibbilità mu si manda nu discipulu fhedeli a la putifha, e la mbasciata viaggiava sicura nta li mani e supa l’anchi le lu discipulu scegghjiutu.

 

Spessu li mbasciati eranu chigghi mu si va mu si accatta materiali de lavoru cuomu chjiova pe lu scarparu, fhalignami o fhorgiaru, oppuru gugghji e filu culuratu pe li sarti e li maistri e. . . accussì diciendu.

Puru la pasta e la fhrutta de accattara pe’ la fhamigghjia de lu mastru era spessu compitu de li discipuli, soprattuttu quandu pe sti prodotti no nc’era de scegghjira.

Dicìa lu Mastru:

 “Vai ggha don Brunu Davuli e pigghjia nu chilu de pasta curta” oppure, “Vai ggha Mastru Giuanni e accatta mienzu chilu de Attacci”, od ancora “Vai ggha donna Maria e dinci mu ti duna nu chilu de pumadora ca pua passa lu Mastru e. . . nci li paga, oppuru, ca pua scuntamu;

Eranu chisti li compiti cchjiù mportanti pe nu discipulu de na qualsiasi putifha de curnga però, a na condizioni e nta li tiempi chi avìanu mu si rispettanu: “lu riuoggiu a sputazza”.

Stu riuoggiu venìa fhattu cu sputazza, sputata nterra cu tutti li coccali chi si fhormavanu ntuornu.

Lu Mastru fhurbu de na parti e lu discipulu sbiertu de l’attra, prima mu si parta pe la mbasciata, si mentianu d’accordu supa li dimenzioni de la sputazzata, chi dipendìa sempre de lu Mastru, e de la posizioni de lu riuoggiu pecchì, de chisti cuosi dipendìa la durata.

Quandu la mbasciata s’avìa conclusu fhora tiempu massimu, cu la sputazzata chi avìa diventatu na macchjia nivura supa lu pavimentu, arrivava la punizioni chi de solitu consistìanu o nommu si nescia pe’ necessità de urinara, oppuru mu si ritarda lu rientru a la casa all’ura de mangiara.

Tena a menta ca nta li putifhi de na vota, no’ nc’eranu li cessi e pe sti bisuogni si usava o la carrera vicina oppuru lu cafhuni cchjiù vicinu a la putifha stessa. Puru li discipuli chi abitavanu de casa vicinu a la putifha, usavanu la carrera o lu cafhuni vicinu pemmu fhanu li bisuogni. Accussì, cu avìa mu vajia a lu bagnu, jianu verzu lu cafhuni de Triccannali li discipuli de li putifhi che lavoravanu nta lu Passu e dintuorni, nta lu cafhuni de gurniegghi pe chigghi chi fhatigavanu nta la chjiazza o nta via Roma, o arriedi a la Gabina pe li putifhi chi ggha lavoravanu, e pe finira, nta lu cafhuni de lu spizzu pe li putifhi de stu rioni.

Li carrieri venianu usati pe li bisuogni cchjiù leggeri e nta li casi duva no’ nc’eranu cafhuni vicini, cuonu ad’esempiu a Pruscinu, duva l’Arcu de Tavanu, la carrera vicina e l’arcu de lu Palazzu de Vivacqua venianu usati de tutti li discipuli.

L’arcu de lu palazzu de vivacqua si ricordava fhina a l’attru jiuornu, pe na striscia nivura chi sembrava pittata nterra e chi dunava l’idea de l’acqua chi scurra sempre.

Li carrieri puocu trafficati, venìanu usati no’ sulu de li discipuli de putifha ma puru de li vivituri de vinu, chi de sira affollavanu li numerosi bettuli presenti nta curnga.

Si dicìa: “li tacchi nci arrivavanu a lu cuogghu” sulu pe dira ca la mbasciata si fhacìa subitu, fhujiendu pe li strati de curnga, tuttu pemmu si rescìa mu si porta a compimentu la mbasciata nta lu termini stabilitu e pe nommu si rinuncia a li nesciuti pe esigenzi personali. Ca li generazioni chi si crisciru e chi operar unta l’anni ’40 – ’50 fhussaru previdenti nta tuttu, lu dimostra lu costanti movimentu nta lu lavoru chi si portava avanti cu tanta serietà, ma puru cercandu lu risparmiu supa ad’ogni cosa, adoperandu restatini de materiali chi sulu a primu acchittu sembravanu inutili.

Cu è chi no’ si ricorda li ritagli de giornali mpenduti a nu chjiuovu, vicinu a lu specchjiu, de nu varvieri qualsiasi de lu paisi chi venianu usati mu si pulizza lu rasuolu quandu si fhacìa la varva a nu clienti.

Nu quatratu de carta era usatu pemmu si pulizza lu rasuolu mentra si fhacìa la varva a nu clienti, e nugghu clienti si lamentau mai.

Cu garbu, lu varvieri pigghjiava lu fhuogghjiu de carta cu la sinistra, e cu la destra pulizzava lu rasuolu chjinu de schjiuma e de pili de varva.

No’ si usava l’acqua corrente, ma l’acqua inchjiuta a la fhuntana vicina, cu na lanceggha appojiata sutta nu vacili misi tutti li dui supa nu tripiedi de fhierru e tutti smaltati de lu stessu culuri.

Supa lu bordu venìa mpendutu l’asciucamani pemmu s’asciuca la fhacci a lu clienti prima mu si mpruscia de spiritu contenutu nta nu bottiglinu cu na pompetta.

Fhinuta la rasatura de varva, lu fhuogghjiu de giornali chjinu de schjiuma e de pili de varva, venìa prima jiettatu nta lu cistinu de li mundizzi, e pua sbacantatu nta nu cassoni de lignu misu ann’angulu de la chjiazza o de la via duva fhatigava lu varvieri.

Nta li putifhi de varvieri, nc’eranu n’attri dui cuosi caratteristici de li tiempi de cui stacimu parrandu: la Sputacchjiera e l’acchiappa muschi mpendutu a lu lampadariu. Dui cuosi chi de sti tiempi, pe na questioni igienica, no sarianu cchjiù permessi ma pe li tiempi passati eranu mportanti. La sputacchjiera non’era attru ca nu catariegghu quatratu, rettangulari o rotundu, chjinu de cinnara o de rina, misu a lu fhjiancu de la poltrona.

Soprattuttu de viernu, li risidui de catarru chi nescìa tussiendu, venìa sputatu nta la sputacchjiera sutta l’uocchji atturruti de l’attri clienti.

Immaginatti pe nu puocu tutti sti sputazzati tremendi chi li vari clienti fhacìanu provandu mu centranu propri la sputacchjiera davanti a tutti l’attri clienti; era de’ voltastomacu, nu schifhu.

Soprattuttu quandu, nonostanti la bona volontà, spessu, lu catarru venìa sputatu nterra, fhora la sputacchjiera.

Puru lu muoccu chi culava de lu nasu venìa spessu fhjiuffhjiatu nta la sputacchjiera, e de st’usanzi, derivavanu propi la presenza de tanti muschi e muscagghjiuni de ogni tipu.

Nugghu si lamentau mai cchjiù de tantu, pecchì potìa succedira a tutti mu si fhjiufhfjia lu nasu nta la sputacchjiera; tutti la usaanu.

Si stu schjifu potìa essera supprtatu de li clienti e de li gienti presenti, pecchì magari lu varvieri era accortu mu pulizza nterra e la sputacchjiera stessa, l’Acchjiappa muschi mpendutu a lu lampadariu era ancora de cchjiù nzopportabili, pecchì lu ricambiu no’ era fhattu nta na stessa jiornata cuomu la pulizzia de lasputacchjiera, ma durava settimani, certi vuoti misi e puru . . . anni.

De cchjiù, st’attrezzu non’era sulu utilizzatu de li varvieri, ma venìa usatu puru de li Sarti, de li Scarpari, ed’attri mastri pemmu si difhendanu de li muschi e de li zzampagghjiuni chi abbundavanu e chi distraianu duranti lu lavoru.

L’acchjiappa muschi era contenutu nta nu contenitori rotundu de cartuni, a fhorma de cartucciu, chi s’apirìa de na sula parti e s’allongava a spirali pe’ quasi nu metru de lunghezza.

Nescìa fhora nu nastru giallu appiccicusu, duva li muschi e tutti li viespi e zzampagghjiuni, attirati de l’adduru, si posavanu e restavanu mpimgiuti.

Pua sulu immagginara ca, a la longa, diventava n’esposizioni de muschi de ogni tipu e de ogni simenzioni chi sulu mu lu guardi, ti venìa lu vuommicu.

Nc’era comunque lu vantaggiu ca no si venìa disturbati de li muschi mentre si lavorava.

Jiuochi de cotrari, sentiendusi fhuorti e cchjiù randi.

Guardanduti nta l’uocchji, vijiu c asini interessatu cchjiù a chisti cuosi inutili chi ti stajiu cuntandu mona, ca no a tutti chigghi chi già ti cuntài e chi sunu cchjiù mportanti pe’ li gienti de stu paisi.

Si bolimu mu la dicimu tutta, de cuosi inutili de cui parrara nd’avarìa ancora tanti e si nci pienzi bena, tantu inutili pua, no’ sunu.

Hai mu sai comunque ca nta stu paisi, chigghu chi no’ mancau mai fhù lu dialugu tra li perzuni e lu quietu vivara tra li gienti chi stacìanu buoni e chigghi chi si la cavavanu decentementa, senza mai mu succeda nenta de stranu. Ggha lu Varvieri, ggha lu Fharmacista, ggha lu sartu oppuru all’apertu seduti supa lu muru de lu passu, e de chigghu de Gurniegghi o nta la Villa Comunali, o a mienzu li strati passijiandu pe la chjiazza, era sempre nu buonu postu mu si parra de li problemi chi nc’eranu nta lu mundu.

Ogni angulu de lu paisi era buonu pe li gienti mu si sedanu e mu scangianu opinioni, sentira cuntara stori de guerra de cui la guerra la cumbartìu o de cui la guerra la vitta fhara senza cumbattira, o de li sacrifhici ncuntrati portandu avanti lu lavoru propriu, o de gesti eroici fhatti ‘nomi de la Patria. E allora, li Trincei de li percorsi de guerra diventavanu li strati duva tutti si potìanu trovara mu sunu assaliti de ncunu nimicu o assaliti de nu nimicu de fhantasìa cu lu fhucili nta li mani; eranu tutti gesti eroici impossibili mu si immagginanu pe cui, cuomu nui fhigghjiuoli, avìamu passatu la vita nta lu paisi, chi si criscìa e si concludìa spessu nta li confini de lu paisi.

 Si potìanu sulu immagginara certi situazioni, ma ad’ogni modu la menta de li giuvini e de li cotrari, costruìa e immagginava pensandu a cuomu si potìa fhara pemmu s’ottena chigghu coraggiu e cuomu si potìanu imitara tutti chigghi gesti eroici de cui si sentìa parrara.

Li giuvini volìanu a tutti li costi mu si sentanu randi e coraggiosi, no’ partecipandu a guierri, pecchì la guerra era ormai fhinuta, ma volìanu mu diventanu cchjiù fuorti e cchjiù coraggiosi nmodu tali mu puonu affruntara ad’armi pari nu possib ili nimicu.

Si ammentaru accussì li guierri tra rughi, cumbattuti tra Bandi fhatti cu cotrari chi avìanu nesciutu nta chiggha ruga, armati cu pistuoli fhatti de pitta de fhicundianara, lipparusi e appiccicusi, quandu si tagghjiavanu mu si fhacia assumira la fhorma de na pistola vera e si mpugnavanu mu si puntanu cuntra lu nimicu.

Attri armi eranu fhatti d’Archi de lignu, cu frecci puru igghi de lignu, chi però quandu venìanu lanciati, no’ facìanu mala tantu mu si schjiacca seriamenta nu cotraru amicu, ma avversariu.

Lu strumentu chi sparava cuomu na pistola era lu Battagghjiu, fhattu de lignu de Sambucaru, luongu decia – quindici centimetri, fhatto cacciandu la parti cchjiù moggha interna, lisciandu per bene sia l’internu ca l’esternu, mpilandu nu taruoppulu de stuppa ammogghjioata cu sputazza, e spingiuta all’internu cu nu stantuffu.

Spingiendu cu fhorza supa lu stantuffu, quandu la stuppa nescìa de l’attra parti, fhacìa na botta chi sembrava chiggha de na pistola.

Nc’eranu certi cotrari chi cu la lingua supra lu palatu e, a vucca aperta, rescìanu mu fhanu na botta, puru chista simili a la botta de pistola, chi si sentìa de luntanu.

Ad’ogni casu, si trattava sempre de jiuochi de cotrari e de battagli cumbattuti senza vincira nenta.

Nta stu jiuocu, pe’ potira dira ca si vincìu la battaglia, era necessaria la sincerità de li componenti de la banda contraria pecchì, avìa mu si ricanuscia battutu quandu nu sparu o na fhreccia venìa lanciata cuntra de igghu prima ancora ca igghu stessu si nd’accorgìa.

De stu modu, venìa nta chigghu momentu esclusu de la lotta, ma pemmu si stabiliscia cu avìa vinciutu la battaglia, si discutìa a la fhini, quandu li partecipanti si guardavanu nta la fhacci e si potìa stabilira e cuntara cui avìa perdutu e cui no’. Lu conteggiu de li perzuni vittoriosi cchjiù numerosi chi appartenianu a la stessa banda, stabilìa cui avìa vinciutu la battaglia de la jiornata. Li battagli si cumbattianu cuomu si fhussaru veramente battagli de guerra, cuomu chigghi chi si cuntavanu pe li strati e chi fhuru cumbattuti veramenta, e accussì, a li battagli cumbattuti pe li carrieri de lu paisi, nc’eranu puru chigghi chi si cumbattìanu usandu li tumbini de l’acqua chjiovana chi comunicavanu l’unu cu l’attru cu gallerì chi era possibili attraversara a panza nterra, strisciandu e a lu scuru.

Bastava izzara la grata de lu passu, trasira intra e sbucara a la Gabina oppuru arriedi a la Mmaculata passandu sutta l’arcu de lu passu.

Eranu chisti li trincei de guerra, passandu de na parti a n’attra strisciandu panza nterra e sbucandu a cientu o duicientu metri de distanza.

Nta lu Passu nd’avìa dui Gradi de duva si potìa mpilara na perzuna: una era vicinu a la casa de lu Zziu Vitu lu Tonzu, e l’attra a lu centru de la chjiazza, davanti a lu distributori de Benzina.

Trasiendu de una de chisti, si potìa sbucara puru a la Gabina, vicinu a lu Monumentu a l’Emigratu.

Si potìa arrivara a lu tumbinu chi si trovava a li piedi de lu spizzu.

Quandu si pigghjiava lu nimicu a li spagghi, accussì cuomu si cuntava de li battagli de guerra vera, era na strategìa de vittoria, e nta sti casi signifhicava vittoria sicura, ed’era chistu chi decidìa la vittoria de na certa ruga rispettu a n’attra.

Li guierri cumbattuti a l’apertu e de jiuornu, eranu li cchjiù pericolosi pecchì, chigghi cchjiù strafhuttenti e cchiù smargiassi, usavanu la fhjiunda cuomu arma de combattimentu, e capisci puru tu ca ncunu tornava a la casa sua grundanti de sangu e cu la testa rutta.

Capitava ca li capi gruppu avìanu decidutu mu trasanu tutti de li dui nta li tumbini, de dui posti diverzi cu l’intenzioni mu acchjiappa lu nimicu a li spagghi, e nta sti casi era nu problema stabilira cu avìa vinciutu la battaglia de lu momentu. Era puru nu problema mu si nescia fhora de li tumbini pecchì no’ nc’era spazio mu si rigira e avìa mu si torna arriedi a carpuni e marcia arriedi.

Si nta lu tumbinu nc’eranu cchjiù perzuni, allora capisci ca, a lu scuru e cu tanti gienti, lu problema diventava cchjiù seriu.

Ad’ogni modu, avìa mu si dimostra jiuornu doppu jiuornu ca si diventava sempre cchjiù “uomini coraggiusi”, puru ca l’anni non’eranu ancora chigghji pemmu si diventa uomini veramenta e lu gruppu de appartenenza richjiedìa sempre cchjiù coraggiu.

Non’era lu ritu mafiusu chi avìa mu si sostena pemmu si dimostra coraggiu e pemmu appartena a nu certu gruppu, ma na prova chi ogni componenti a lu gruppu stessu avìa mu supera si bolìa mu era cchjiù apprezzatu de tutti l’attri componenti.

Si usavanu pe chistu soprannomi cuomu Attila e Brennu, capi Banda a li tiempi de l’antica Roma, canusciuti pecchì lu primu era soprannominatu lu “fhlagellu de Ddio” e lu sicundu pecchì rescìu mu menta nsubbugliu tutta Roma.

Si unu venìa chjiamatu cu unu de chisti soprannomi vplìa dira ca era lu capu de chigghu gruppu.

Ojia, cuomu potisti vidìra puru tu, Petruzzu mio, lu paisi cangìau completamenta cu casi fhatti de cimentu armatu e cu strati tutti disegnati e fatti cu pietri squatrati chi sunu belli puru de vidira. Sulu pe chistu, li cuosi de cui ti stajiu parrandu ti sembranu cuosi de l’età da Petra.

Li tumbini sunu ormai cumbogghjiati cu cuverchjia de ghisa, e li gambietti sutta terra no’ sunu cchjiù accessibili cuomu eranu a li tiempi mia. Mpratica, tuttu fhacìa parti de li jiuochi de cotrari chi mentianu mpratica la fhantasia sfruttandu ogni risorza presenti supa lu territoriu, necessariu pemmu fhortifhica, mu renda cchjiù fhurbi e coraggiusi, non’aviendu paura de nuggha cosa chi si presentava d’avanti duranti la propria vita. Mi sembra ca ti lu fhici già vidìra l’arcu de sutta lu passu, utili mu ricogghjia l’acqua chjiovana chi arrivava de li tumbini de lu Spizzu, d’arriedi la Mmaculata, de la Gabina e de la Petra Chjiana, e chi comunica cu la zona arriedi a la quarta Barracca de lu passu. Arrivara a Triccannali a li tiempi mia non’era cosa semplici pecchì, soprattuttu de notta, a lu scuru avìvi mu passi de nu carrijiuolu vicinu a lu cafhuni de lu passu (ojia strata asfartata), standu attientu nommu scivuli e pemmu arrivi a lu mulinu, sutta la Briglia. Mi spiegu miegghjou: duva ojia nc’esta lu Palazzu de la Banca, nc’era na cafhunata chi li vicini usavanu puru mu jiettanu li mundizzi, e bastava mu sposti cu li piedi na petra, pemmu s’arruocciula pe tutta la scinduta e pemmu arriva nta Triccannali, vicinu a lu viecchiu Macellu.

Lu carrijiuolu proseguia pe’ Riojiola ed’era attraversatu tutti li jiuorni de li proprietari patruni de li terreni de Rijiola.

Una de li tanti provi de coraggiu, consistìa nta lu jira de notta a Triccannali, cu nu commidu, chi avìa mu si inchjia a la fhuntana e mu si porta nta la chjiazza chjinu, duva aspettavanu l’amici mu verifhicanu ca la prova la portavanu a termini.

La prova venìa preparata de tutti li componenti lu gruppu pecchì avìanu mu rendanu ancora cchjiù difficili sia lu percorsu ca la prova de coraggiu, cchjiù de quantu era.

Pe’ ottenira chistu, ncunu avìa mu si mpila sutta l’arcu de lu passu, passandu d’arriedi e faciendu rumuri strani chi potìanu mentira paura a lu prepostu mu sostena la prova de coraggiu.

Attri avìanu lu compitu mu arrocciulanu pietri de lu cafhuni de lu passu, attri ancora volavanu de la strata de lu mulinu mu raggiungianu la fhuntana de la parti de supra, fhaciendu puru igghi rumuri strani cu lu solitu scopu mu mentanu paura a lu malucapitatu de lu momentu.

Si ammentava de tuttu: Abbajiara de Cani, grugni de Puorci, fhrischji de Civietti e acciegghi notturni, vuci caverniculi chi sembrava ca arrivavanu de l’attru mundu; tuttu sutta la regìa de lu capu gruppu.

L’attra vota t’avìa puru parratu de provi de coraggiu, ligati soprattuttu a lu statu de degradu de certi zoni de lu paisi.

Carrijiola chjini de spini e mancanza de illuminazioni pe li strati, fhacìanu de sti posti lu postu giustu mu si fhanu li provi de coraggiu, accussì, la zona de lu cimiteru era lu postu ideali pemmu si dimostra ca si era capaci mu s’affronta ogni tipu de prova pecchì, superata chista, si guadagnava cchjiù considerazioni all’internu de lu gruppu de appartenenza.

Avìa mu s’arriva a lu canciegghu, mu si tocca cu li mani e mu si porta a l’amici chi aspettavanu a la Ndolerata, nu Garuompulu de na corona appojiata a lu muru vicinu a lu canciegghu stessu.

Lu scuru, li soliti vuci de piantu fhatti apposta de l’amici ammucciati gghà vicini, li luccioli chi si fhacìanu passara pe’ animi mpena, rendìanu la scena simili a chiggha de nu film de l’orrori, pe cui, no’ tutti, a primu acchittu eranu disposti mu affrontanu chista prova.

La notizia de l’esitu de la prova venìa subitu diffusa nta tuttu lu paisi, e accuss’, lu jiuornu doppu, tutti sapìanu cuomu avìa jiutu a fhinira. Soprattuttu li signorini chi jianu ggha li Maistri mu si mparanu mu ricamanu eranu interessati a l’esitu, pecchì puru igghi apprezzavanu o ridìanu s’eranu nteressati o menu a la perzuna chi avìa fhattu la prova.

Avìra superatu na prova, signifhicava ca s’avìanu guadagnatu punti de vantaggiu rispettu a li signorini, chi pigghjiavanu de cchjiù o de menu nconsiderazioni chisti gesti, dassandusi puru condizionar anta li scelti amorosi.