Perzunaggi de’ valori e. . . .tipici de’ lu paisi.

Perzunaggi de’ valori e. . . .tipici de’ lu paisi.
N’improvvisatu Teatru de’ Chjiazza.
 
Caru niputi, no’ ti puozzu nascundira ca lu piacira chi provai portanduti pe’ li strati principali de’ lu paisi mio, e havìra havutu la possibilità mu ti cuntu e discrittu li vari putifhji, no’ la provai mai ‘nta la vita mia, fhorzi pecchì, de’ cotraru, no’ rescìa mu appriezzu lu lavoru de’ chista comunità.
Certamenta chigghu chi ti cuntai, pe’ tia chi no’ li vivisti ‘mprima perzuna, sunu soddisfacenti, ma pe’ mia e pe’ chigghi cuomu mia chi li vivìru ‘mprima perzuna, mancanu ancora de’ ncuna cosa e de’ ‘ncunu personaggiu de’ cui hajiu ‘ntenzioni mu ti parru ma, cu tanta discrezioni.
Ad’esempiu, no’ ti parrai ancora de’ li personaggi valorosi chi operaru nta Curnga e chi contribbuiru a lu sviluppu de’ lu paisi ‘nmodu positivu.
Hai mu sai ca a Curnga nesciru Uomini e perzunaggi chi contribuiru a la storia de’ la nazioni sacrifhicandu addirittura la vita stessa pe’ la Patria, ma nesciru puru perzunaggi cchiù o menu ntelligenti e capaci, chi cu lu sapira fhara o cu li manìi particulari chi havìanu, contribuiru mu allevianu li sofferenzi chi, nta li periodi de’ cui ti stajiu parrandu, assillavanu ogni casa ed’ogni fhamigghjia.
Nci fhù cu contribuiu mu fhorma Uomini capaci e colti, sicuri e coraggiosi, mentiendu a disposizioni tutta la cultura de’ cui disponìanu e tuttu chigghu chi potìanu sapira.
Nci fhù puru cu rasentava comportamenti de’ paccìa, chi si divertìa mu pigghjia ‘ngiru certi comportamenti e atteggiamenti seri de’ vita quotidiana, cui, ‘nmodu autoironicu, rischjiandu mu perda la stima de’ tutti, si misa a scherzara, e cui npini, annegava ‘nta lu vinu tutti li dispiacira de’ vita de’ grama chi fhacìa.
 Vaghi ricuordi mi portanu a li commemorazioni funibri duranti li quali, unu de’ li nuostri perzonaggi de’ cultura, pronunciava nu discurzu celebrativu in onori de’ lu defuntu, e chistu si verifhicava sempre, soprattuttu quandu morìa ncunu perzunaggiu de’ nomi, ma puru quandu morìa ncunu povaru disgrazziatu, ma . . . onestu.
Li curinghisi, ‘nta chisti occasioni, si stringìanu tutti ntuornu a li parienti e familiari, ‘nsegnu de’ solidarietà chi manifhestava cu la presenza de’ perzuna a chisti eventi, dassandu magari de’ fhatigara o rinunciandu a na jiornata de’ fhatiga.
Ti cuntu brevemente chi eranu li commemorazioni pe’ li muorti de’ na vota, de’ quandu jira a lu cimiteru pe’ visitara li muorti, era n’inciampara ‘nta cruci, carrijiola e puzzi strani, dovuti a li tumulazioni ‘nterra, chi non’eranu fhatti a la perfezioni, ma chi nc’era d’havìra pagura pe’ la vita e pe’ la saluti.
All’epoca, l’ingressu a li cotrari de’ decia – undici anni, era vietatu, puru ca ieri accumpagnatu de’ na perzuna cchiù randa.
Tieni presenti ca li strati pemmu si arriva a lu cimiteru, non’eranu chigghi chi vidisti quandu passammi de’ ggha vicinu mentre ti portava a spassu pe’ li strati, ma eranu strati sterrati, cu ruvettara de’ tutti li parti, e soprattuttu illuminata de’ notta sulu cu ncuna lampadina de’ cientu candili.
Mu ti riendu nu puocu l’idea de’ chi potìa essere stu postu, ti dicu sulu ca li giovanotti de’ l’epoca, ‘nsegnu de’ coraggiu, havìanu mu dimostranu ca eranu capaci, cu lu scuru, mu arrivanu a lu cimiteru, mu toccanu lu canciegghu e pemmu tornanu arriedi.
No’ tutti eranu capaci, nta lu scuru, mu dunanu chista dimostrazioni.
Chigghu chi nc’era de’ diverzu ‘nta li fhunzioni fhunibri, era lu corteu chi, doppu chi assistìa a la missa ‘nta la chjiesa matrici, accumpagnava lu muortu pe’ li strati de’ lu paisi, passandu de’ via Garibaldi, de’ via Nazionali, de’ Pruscinu, de’ San Giuseppe fhina chi no’ s’arrivava a la Ndolerata.
 
Ccana, lu Prieviti dunava l’urtima benedizioni a lu muortu e li partecipanti, ‘mpila e ‘nta la massima serietà, unu ad’unu nci stringianu la manu a li parienti, misi mpila puru igghi, fhaciendunci li condoglianzi.
A lu stessu modu fhacìanu li fhimmini, cu la differenza ca fhormavanu nu corridojiu, ammienzu a cui passavanu li parienti de’ lu muortu, salutandu e ringrazziandu pe’ li condoglianzi ricivuti.
Cu l’arrivu de’ li Carri Fhunebri e cu lu passara de’ l’anni, lu corteu fhunebri si accurciau sempre de’ cchiù, fhiniendu no’ cchjiù a la Ndolerata ma a la Gabina, adduva ojia nc’esta lu monumentu all’emigrati.
Ojia, lu commiatu tra fhamiliari e popolazioni avvena addirittura supra lu sacrariu de’ la Chjiesa Matrici e quandu chjiova, nta la Chiesa stessa.
Hajiu ancora vaghi ricuordi de’ li discurzi cu cui li perzuni ‘nvista de’ Curnga, rendìanu omaggiu a li perzuni muorti, ricordandu chigghu chi fhù la vita passata, elogiandu soprattuttu li qualità morali, e chistu era apprezzatu sia de’ li fhamiliari ca de’ la popolazioni.
 
Doppu st’aspetti macabri de’ vita de’ paisi, vuogghjiu mona mu ti rallegru cuntanduti de’ attri perzunaggi de’ tutt’attru generi e de’ tutt’attra natura.
Nta sta descrizioni mi limitu però mu ti dicu sulu l’iniziali anagrafici de’ sti perzonaggi, pecchì sunu ricanuscibili fhacilmente e chistu, puru ca moriru ormai de’ parecchiu tiempu arriedi, è sulu mparti rispettusu.
Ncunu de' chisti si limitava sulu mu duna fhastidiu a li passanti senza ruppira li scatuli oltre lu limiti consentitu.
Si limitavanu mu dicianu battuti piccanti ma no’ volgari, la maggior parti de’ li vuoti mu si fhanu sulu notara, ed’attri penzandu mu si rendanu spiritosi; era tuttu contenutu nta li limiti de’ la decenza.
Scostumati eranu ambeci li battuti chi fhacìa C. E. (mastru Miliu campusantaru de’ Curnga) quandu venìa richjiamatu de’ ‘nta ‘ncuna carrera o de’ ‘nta na putifha o de’ ‘ncuna signorina malizziusa.
Recitava certi fhiilastruocchi chi dassavanu tutti allibbiti.
La richjiesta era sempre la stessa: “a Milio . . . .ti Ricordi?).
Era chistu l’iniziu de’ na stuora a sfondu pornograficu chi cumprendìa igghu, cuomu primu perzunaggiu e, la mamma o la suoru, mbasi a cui havìa rivoltu la domanda, ma sempre nu perzunaggiu fhimmininu chi nci appartenìa.
Havìa n’aspettu chi mentìa pagura sulu mu lu guardi, ma era na perzuna ‘ntelligenti, capaci mu scriva e mu relaziona su mbrighi de’ fhamigghjia chi venianu lejiuti de’ lu Pretori de’ Maida, e li gradìa tantu chi nci consentìa cchiù serenità quandu havìa mu pronuncia la sentenza giudiziaria.
Fhù unu de’ chigghi chi, quasi de’ sulu, si mparau mu lejia e mu scriva quandu ‘nta Curnga e ‘nta lu Meridioni quasi nugghu sapìa mu lejia e mu scriva.
Caminava aggugghatu pecchì era già randa d’età e havìa dui chjiavi de’ fhierru belli randi, ‘ncroccati a la currijia chi quandu caminava tintinnavanu.
Certi vuoti la fhacìa apposta, ‘nmodu mu si fha sentìra de’ li perzuni chi stacianu fhatigandu ‘nta li putifhi o de’ li fhimmini chi stacìanu cucinandu. Quandu no’ lu chjiamava nugghu, tussìa e jiettava certi rafhati accussì sonori, chi era ‘mpossibbili no’ sentira. Era chistu chi segnalava la presenza sua, ed’allora si era cumbinti ca nc’era mastru M. A chistu signali partia la richiesta: a M. . . .ti ricuordi?
Rispundìa sempre ‘nmodu accoratu e a vuci avutta: si, mi ricuordu, mi ricuordu quandu ‘nta la carrera de’ pagghjietta (Salici, Grillo, Trungari, Malìa ecc., tutti campagni vicini a Curnga) . . . e costuìa sceni de’ pornografhia pura chi coinvolgianu igghu, e chiggha chi capitava de’ sutta chi venìa trattata cuomu la piejiu prostituta.
Quandu parrava, no’ si limitau mai ‘nta lu dira e ‘nta li paruoli chi usava anzi, jia cercandu chigghi chi eranu ancora cchiù fhetusi.
 Chigghu chi seguìa a chi sta, scena ti lu dassu sulu immagginara pecchì tutti quanti, ma soprattuttu li fhimmini sia spusati ca schjietti, ridìanu a schjiatta Panza, cu la soddisfazioni de’ mastru Miliu chi si alluntanava ridiendusila sutta li baffi.
La scena si ripetìa doppu appena cinquanta o cientu metri.
Li porcherii jettati a lu vientu de’ mastru M. venìanu fhora puru de’ attri perzunaggi de’ Curnga e chi eranu de’ tutti conziderati li vivituri de’ vinu cchjiù fhuorti de’ lu circondariu.
De “mbrijiacuni cronici” nta Curnga nci nda fhuru tanti e li cchjiù noti eranu: M. A., P. D., C. GB., ma, dui vivìanu cchjiù de’ tutti l’attri misi assiemi ed’eranu: V. DN. Soprannominatu B., e  G. V., capaci mu si vivanu de’ suli damigiani de’ vinu.soprattuttu, era capaci mu si viva nta na tirata, nu fhiascu de’ cincu litri de’ vinu, curcatu nterra, cu nu ‘mbutu nta la vucca e cu na perzuna chi divacava vinu ‘nta lu mbutu. ‘Ncredibili. ‘Mpratica chisti perzunaggi chi eranu amici e chi spessu si mbrijiacavanu nziemi, ballavanu e cantavanu nta la chjiazza mentiendu ‘nscena nu Teatrinu de’ Chjiazza, chi non’havìa nenta de’ mbidiara a chigghu chi scenava Totò (comicu Napulitanu) ‘nta li sceneggiati Napulitani.
‘Nta sti casi, pe’ strata scenavanu nu “Teatrinu de’ Chjiazza” chi non’havìa nenta de’ mbidiara a chigghu chi facìa Totò (Antonio De Curtis attori Napulitanu) nta li sceneggiati napulitani.
Spessu sonavanu cu na catarra e cantavanu e ballavanu tarantelli mprovvisati chi divertianu tutti li passanti, e senza dunara fhastidiu a nugghu.  
Nonostanti tuttu, eranu dui randi lavoratori.
 

Lavori de’ fhimmini de’ na vota
 
Si ti guardu nta l’uocchji, vijiu ca vorissi mu mi fhhai na domanda: cuomu mai mi cuntasti tuttu de tutti de li perzunaggi masculi chi fhuru cchjiù o menu mportanti e no’ mi cuntasti nenta de li fhimmini chi lavoravanu e fhuru mportanti pe’ chistu paisi?
Hai ragiuni però, si ti ricuordi, ti avìa parratu addirittura de nu monumento de fhara a li fhimmini de na vota, pecchì, de chigghu chi ti vajiu cuntandu mona e de chigghu chi già ti cuntai, ti riendi cuntu puru tuna ca lu meritarianu ntuttu.
Ti parrai già de li lavori de casa a cui li fhimmini de Curnga dedicavanu la jiornata e chi cominciavanu all’alba e finianu quandu tutti dintra a la casa dormianu.
Tessituri, ricamatrici, Maistri de tagghjiu e de cucitu, eranu l’artigiani cchjiù mbista e chigghi chi stacìanu miegghjiu de tutti l’attri pecchì avianu la fhortuna mu lavoranu sutta la casa o addirittura nta la casa propria.
Era na categorìa de privileggiati propi pe chistu motivu pecchì l’attri, pemmu puonu lavorara avìanu mu nescianu fhora casa e mu vannu duva nc’era lu lavoru chi spessu, era luntanu de la casa stessa.
Cu non’avìa nu lavoru, era obbligatu mu emigra, ed’emigrara volìa dira richiu pe la vita pecchì affidavanu a lu destinu lu futuru e l’avvenira.
Tra li vari categorii de fhimmini lavoratrici, nc’eranu chigghi chi no’ sapìanu mu tessanu o mu cusanu pe’ cui eranu costretti mu fhanu lavori chi li tenianu jiornati interi fhora casa.
No’ si trattava de lavori de scrivanìa ma de lavori manuali e sulu lavoru manuali pecchì, pe li tiempi chi nc’eranu, no’ nc’era nent’attru.
Si cuntavanu supra li jidita de na manu li fhimmini chi lavoravanu nta la scola de Maestri o de Fharmacista, pe lu riestu, nenta.
Quasi tutti eranu quindi obbligati mu fhanu li lavori cchjiù umili cuomu chiddu de lavandari, o mu vanu mu cogghjianu alivi, oppuru mu vanu mu fhanu li servizza de casa nta ncuna fhamigghjia (cucinara, lavara panni luordi, stirara).
Parecchi fhamigghji non’avìanu mancu nu piezzu de terre pemmu chjiantanu ncuna cosa e nta sti casi, puru li fhimmini eranu costretti mu fhanu lavori manuali pe’ racimulara ncuna cosa e mu puonu tirara avanti la fhamigghjia.
Nc’era accussì cu jia mu cogghjia alivi, ed’eranu ntanti chi, cu sacrifhici, fhatigavanu jiornati interi mu cogghjianu alivi nta li livari de li fhamigghji cchiù ricchi de lu paisi.
E la matina era na fhila chi no fhinìa mai chi si dirigìa verzu campuluongu duva, guardati de nu guardianu misu apposta de lu proprietariu, cogghjianu l’alivi de lu patruni.
Fhimmini chi jianu mu cogghjianu alivi, nescianu priestu de la casa, cu lu scuru, e fhacìanu chilometri prima mu arrivanu supa lu postu de lavoru duva lavoravanu tra li decia e li tridici uri a lu jiuornu, mbasi a l’annata.
Tornati a la casa, avìanu ancora de fhara ncuna cosa mu sistemanu la casa o mu cucinanu pe lu jiuornu doppu.
Fhatigavanu senza assistenza sanitaria, senza de nugghu a cui nci potìanu dassara li fhigghjiuoli accussì, li cchjiù picciuli li portavanu cu igghi ncampagna, mentre chigghi cchjiù randiciegghi, no’ jianu cchjiù a la scola e cogghjianu puru igghi alivi aiutandu li mammi.
Fhatigavanu scavuzzi, sempre piegati cu la fhacci nterra, e venianu pagati a cottimu, certi vuoti cu uogghjiu de scarza qualità e certi attri cu sordi.
 
La fhatiga prevedìa puru nta lu trasportu ntesta de li sacchi chi pisavanu tra li quindici – vinti chili l’unu, fhina a lu macininu.
Cuomu njiornava, si fhacìanu lu segnu de la cruci e, mani nterra mu cogghjianu cchjiù alivi possibili nmodu mu arrivanu a lu quantitativu giustu chi nci garantìa, a fhini jiornata, la paga de la jiornata.
Pe’ paga ricivianu litri de uogghjiu (de scarza qualità) nquantità adeguata a l’alivi chi s’avìanu cogghjiutu. (Nu litru pe ogni saccu d’alivi).
 
Cuntatu de stu modu, sembra nu lavoru cuomu l’attri ma, si si penza ca a lu postu de lavoru avìa mu s’arriva a peda e a lu lustru de na lanterna chi agghucìa lu carriujiuolu de fhara, allora stu lavoru no’ sembra cchjiù normali ma sacrifhicatu e chjinu de malanni fhisici.
Tena pesente ca la jiornata no fhinìa sutta li lavari ma continuava tornandu a la casa passandu pe lu stessu carrijiuolu chi s’avìa fhattu, a lu scuru, a la matina priestu, anzi all’arva.
 
Si sti fhimmini fhanu compassioni, nd’avia attri chi costituianu pua la maggioranza, chi si dedicavanu a lu lavaggiu de li panni luordi de attri fhamigghji, lavati a manu e no nta la casa, pecchì l’acqua correnti no’ nc’era nta li casi de na vota.
 Avìanu mu vanu a Triccannali, Rizza, Sambuni, Rupa, Acquaru o ad’attri località duva nc’era acqua de fhjiumara mu puonu assorvira a chistu fhara.
Soprattuttu quandu avìanu mu si lavanu li linzola de li lietti simguli o matrimoniali, assema a li servietti, a li maccaturi e a li tuvagghji, cavuzzi, cozzietti ed’attru, eranu costretti mu vanu a na fhjiumara de chigghi chi ti nominai.
 
Li linzola e li tuvagghji de tavula seguinu nu trattamentu particulara pecchì venìanu prima trattati cu la lissia, e pua risciacquati cu acqua de fhjiumara.
La lissìa si preparava cu acqua gugghjienti e cinnara de vrascieri o de fhocularu versata nta na cista duva venìanu sistemati li panni vagnati.
De acqua chjiara venianu passati a la fhjiumara.
Li ruvettara eranu li posti duva venianu stenduti li panni pemmu si asciucanu a lu sula.
Cchiù caratteristicu era lu periodu ncui si curava la Tila cioè lu trattamentu riservatu a li trusci de tila tessuti a lu tilaru de li tessitrici de Curnga, prima mu sunu trasformati nta linzola, cammisi, tuvagghji o attru.
De luntanu si notavanu distesi de panni jianchi stenduti a lu sula.
Chista operazioni era ancora cchjiù lavurata pecchì si ripetìa cchjiù vuoti nta la stessa jiornata pe’ lu stessu trusciu.
Avìa mu si vagna, mu si pista supa na petra chjiatta e pua mu si fhacia asciucara.
 
Lu scopu era chigghu ma si purifhica la tila e mu si renda cchjiù morbida e cumpatta.
Si pistava cu fhorza la tila vagnata supa na petra chjiatta, e ad’ogni passaggiu diventava sempe cchjiù morbida.
La jiornata fhinìa cu li fhimmini chi ntesta, portavanu li cisti chjini de panni asciutti, profhumati e pronti mu sunu n’attra vota adoperati.
A sti lavori, puocu nobili ma, dignitosi, nc’eranu pua chigghi chi si fhacìanu ncampagna, nta li vigni pemmu si ajiutani li patri o li mariti.
 
Ricogghjira li Sermienti era nu lavoru chi de solitu fhacìanu li fhimmini, accussì cuomu passara lu Surfaru o Spalagrara.
Quandu avìa mu si Arrama la vigna, li fhimmini si limitavanu mu sciogghjianu la rami nta l’acqua e mu inchjianu la pompa d’arramara chi portava supa li spagghji lu patra o lu maritu.
Era na fhesta lu momentu de la vindigna e la fhimmina, soprattuttu li mugghjieri, eranu addetti a la sistemazioni de la recina de rigalara o de cunservara e lu mustu de gugghjira mu si fhacia lu vinu cuottu usatu nta tanti ricietti paisani.
 Tutti sti lavori fhatti de fhimmini e sulu de igghi, sunu sicundu mia sufficienti mu si propona nu Monumentu a li fhimmini de na vota.