Li Negozi de’ SaMpranciscu

Li Negozi de’ SaMpranciscu
 
Mo’ arrivammi ‘nta la chjiazza de’ San Fhranciscu chi, cuomu t’havìa dittu, era lu postu centrali de’ l’attività commerciali.
Pua notara cuomu ‘nta sta chjiazza padroneggianu sti dui palazzi, tra li cchjiù ‘mportanti de’ curnga. Chistu supra la destra, è lu Palazzu Senese, cu lu portali chi riporta na mascara fhemminili, mentre chigghu supra la sinistra è lu palazzu Ciliberti chi ha lu portali fhattu de granitu.
A li tiempi mia, sta chjiazza non’era cuomu la stacìmu vidiendu ojia.
‘Nc’era ‘nfatti na’ costruzioni chi occupava quasi tuttu lu spaziu a lu centru de la chjiazza. Nu viculu strittu la dividìa de’ palazzu Ciliberti, mentre a de’ l’attru latu, limitava nu’ trattu de’ Corsu Garibaldi abbastanza strittu, tantu strittu chi rendìa difficili lu passaggiu de li primi postali chi collegavano curnga cu Sant’Eufemia Lamezia, e . . . cuomu si chistu no’ bastava, ‘nc’era puru n’aniegghu de’ fhierru sporgente de’ lu muru, chi nci servìa a la fhorgia presente nta sta costruzioni, mu liganu li ciucci o li cavagghi de ‘mperrara. Purtroppu tuttu chistu chi ti stajiu diciendu, non’è confermatu de’ attru si no’ de’ nu semplici ricordu. Esistìa comunque la fhorgia de mastru Vicienzu Mazza, chi lavorava nsocietà cu mastru Vicienzu Vonu, chi si trovava ‘nta sta costruzioni chi fhù sdarrupata, probabilmente ‘nta l’anni 1954-56.
Si fhormàu accussì la Chjiazza de’ SamPranciscu chi vidìmu ojia, preceduta propriu de la Chiesa de San Fhranciscu chi fhù distrutta de lu terramuotu, e chi no’ fhù mai cchjiù risostruita.
A lu postu sua ojia, nc’è la Biblioteca Comunali, ‘nprecedenza lu Mercatu Comunali chi fhù costruitu cu li pietri de la precedenti costruzioni.
A ricordu de la chjiesa, fhù fhatta la coneggha cu la statua de lu santu chi s’affaccia propri nta la chjiazza.
L’anni ’50 fhuru anni difficili pe’ tutti, la guerra era appena fhinùta ma no’ si vidìa nu miglioramentu. Povertà, fhami e disperazioni pe’ lu lavoru chi no’ ‘nc’era, portaru a n’emigrazioni de‘ massa sia versu lu nord de’ l’Italia ca versu l’esteru. Fhù chista realtà chi mi costringìu tanti anni fhà mu emigru dassandu ‘stu paìsi. . .
 ‘Nta sta chjiazza venìanu puru distribuiti li pacchi chi arrivavano de’ l’America: lattini de’ fhormaggiu, latte ‘npolvere, zuccaru e tantu attru. Mi ricuordu n’ammassu de’ scarpi chi venìanu sparigghjiati pe’ lu tira e molla, ‘nta la fhoga pe’ arraffara nu paru de’ scarpi, e pemmu si potìa fhormara lu paru, era necessariu pùa rintracciara la perzuna chi havìa l’attra, chiggha giusta, mu si li puonu scangiara, e pe’ tutti li dui, a la fhini, lu vantaggiu d’havìra ricompostu nu paru de scarpi cu la stessa fhorma. Propi accantu a lu portuni de’ Palazzu Senesi ‘nc’era n’attru fruttivendulu, chigghu de’ Griguori Curciu chjiamatu Griguori. Lu locali era nu vudiegghu luongu e strittu e perennementi si trovavanu li gabbietti ammunzegghati avanti a la porta. Appartenìa a na fhamigghjia de’ commercianti, cuomu commercianti restaru li nuovi generazioni de’ sta fhamigghjia. Propi accantu ‘nc’era la Bettula de Giuseppe Tondu, n’uomu vasciu ma energicu e cu na bella parlantina. Intra, no’ ‘nc’eranu vutti ma sulu damigiani ‘mpagghjiati de’ 50 litri appojiati supra lu bancuni e na’ mensula duva eranu appojiati li bicchera e tutti li contenitori de’ litru, mienzu litru, quartu, dui o trì pe’ ogn’unu ‘nmodu tali mu po’ servira cchjiù clienti contemporaneamente. Puru ‘nta sta Bettula si jiocava a li carti ma, a differenza de’ l’attri, si mancava lu quartu jiocaturi … nenta paura … ‘nc’era Tondu che, de proprietariu occupava lu postu vacanti. Nu particolari … canusciutu cuomu accanitu Comunista, la putifha sua venìa evitata de cui havìa n’idea politica diverza.
Na Fhamigghjia de’ Commercianti
La Biblioteca Comunali.
 
Li strati de Curnga, a l’inizi de l’anni ’50 eranu ancora n’terra battuta pua, cominciandu de’ Gurniegghji e procediendi pe’ Sutta la Via, tutta la strata principali chi attraverzava lu paisi, fhù asfaltata.
Propriu ‘nta chistu periodu, lu chioscu de’ frutta e verdura, costruitu probabilmente de Mastru Nicola Venezianu e chi si trovava ‘nta la chjiazza de San Franciscu, fhu sdarrupatu.
Fhu la mamma de’ li fratelli Curciu (Celestinu, Griguori, Celestina, Mimma e Giuseppe chiamatu Pepponi) chi l’adoperau mu accatta e mu vinda qualunque cosa. Doppu la demolizioni, l’attività si trasfherìu nta lu sottoscala accantu all’attuali minimarket Mazzotta, e ccà, oltre a vindìra frutta e verdura, la Giuannilonga accattava fhierru viecchjiu, alluminiu e alivi, e tuttu chigghu chi potìa essere commerciabili.  Li clienti cchiù assidui eranu li cotrari, chi jianu pe’ li strati de’ la campagna vicina, mu ricogghjianu alivi, ‘nta ruvettara e santera spinusi mu puonu racimulara “lu Chilocciu”, e cu chistu, li sordi sufficienti mu si accattanu Tex, Akim, Intrepido, e Capitan Miki.
All’angulu de’ salita mercatu ‘nc’era lu negoziu de’ Tessuti de’ Emanuele Vonu chi quandu morìu, nci lu dassau a la canata donna ‘nGiuannina Zarola, chi subitu l’ammodernizzau portandu articuli de’ classi e de’ bona qualità (Cravatti, Cammisi e Maglioni de’ l’urtima moda).
Chista è la Bibblioteca Comunali, duva … a li tiempi mìa ‘nc’era lu mercatu comunali copertu e prima ancora, mi cuntava patrima, ‘nc’era la Chjiesa de San Franciscu chi fhù distrutta de lu terremuotu de lu 1736 e no’ fhu cchjiù ricostruita.
Cuomu ti dissi già, a ricordu de chistu, ‘nc’è la statua de San Franciscu misa ‘nta chiggha nicchjia chi domina la chjiazza.
Quandu nc’era lu mercatu, l’internu era arredatu cu banchi vendita assegnati e ordinati.
Mi ricuordu ca era sempre affollatu de gente chi accattava fhrutta, verdura, patati, pumadora, alici e tant’attru, e de la chjiazza si sentìa nu ribbiegghu, soprattutto quando lu vandieri vandijiava l’arrivu de’ li pisci fhrischi de lu Pizzu.
 ‘Nta stu percorsu chi stacimu fhaciendu, vuogghjiu mu ti cuntu puru chigghu chi mi cuntava nannuma, cioè li scambi commerciali, chi si svolgìanu ‘nta lu spiazzu, propi supa lu mercatu copertu … “lu chjianu de’ menzalora”.
 A memoria de’ chigghu chi ti dicu nci sunu ancora li misuraturi ‘ngranitu “la menzalora” chi venìa usata mu si misuravanu lu ranu, l’uorghjiu, li ciciari, la poseggha ecc. chi venìanu prodotti ‘nta li tierri de la marina de’ Curnga de’ zzappaturi locali.
Era puru lu postu duva si commerciavano li fhinimenti (Capizzi, Stringhi pe’ Mbasti, Redini de’ cuojiu, Carricaturi e Cuofhini), pe’ li ciucci, li cavagghi, vùa e pe’ li birocci, chi eranu li Carrozzini a dui ruoti trainati de’ Muli o Cavagghi.
De’ tuttu chistu, resta sulu la denominazioni de lu luogu e la menzalora ‘ngranitu, sempre a lu postu sua, quasi aspettandu ‘ncunu pemmu nda fhacia ancora usu.
Lu minimarket chi segue la biblioteca, esistiu sempa, no’ accussì cuomu lu vidi ojia, cu banchi duva ti pua servira de’ sulu, ma cuomu negoziu de’ generi alimentari.  Era la putigha de “Chicchina” Curradu, chi diventàu pùa lu minimarket de lu profhessori Mazzotta (marito di Chicchina). Donna Fhranca Curradu vinna ricanusciuta e premiata de la Camera de’ Commerciu de Catanzaru pe’ li 30 anni de dedizioni a lu lavoru.
Chistu, cuomu pùa vidìra, è l’unica putifha chi ancora resiste ‘nta sta chjiazza a testimoniara ancora la vitalità commerciali passata.
Sta chjiazza ospitau tanti attività chi partianu de’ lu Fhorgiaru e passara de’ la Cantina, a lu Generi Alimentari, a lu Consorziu Agrariu, a nu Tabacchinu, a lu Fhruttivendulu, e no’ mancava na’ Macelleria, nu’ Provularu, e perfhinu nu’ Rioggiaru, puru ca si trovava ‘nta stu viculu strittu chi collega chjiazza San Franciscu cu via Roma.
Na’ Macelleria, chiggha de li fratelli Tillieci, curata, netta e bella tenuta cu nu fhrigorifharu modernu a li spagghi de lu bancuni, e spaziu a sufficienza pe’ ospitara li clienti chi aspettavano la vicenda. Carni fhrischi e de’ qualità inchjianu lu fhrigorifharu e, agneggha e capretta arricchìanu la putifha ‘nta lu periodu pasquali.
Quasi a dispiettu de’ quantu stajiu cercandu mu costruisciu cu la memoria, ojia stu postu diventàu nu postu de’ “saracinesche chjiusi” e nu’ parcheggiu animatu de li puocu perzuni chi, a peda e de fhretta, passanu de stu postu.
Pe’ parecchjiu tiempu Palazzu Ciliberti ospitàu lu Municipiu, pua, si trasferiu a lu Chjianu de l’Aria.
Supra lu latu sinistru de’ la chjiazza, mi ricuordu n’attru fhruttivendulu, De Summa, chi era de‘ fhrunti a lu tabacchinu de’ Cefaly, ‘nta stu garagi, sutta la casa de’ Tommu.
Chi io mi ricuordu, n’attru negoziu de’ Abbigliamentu de’ sta chjiazza San Franciscu, fhù chigghu de li sorelli Mazza. Nu negoziu de abbigliamentu chi si distingua de l’attri pe la qualità de li prodotti chi vindìa e puru pe’ l’eleganza e lu buonu gustu.
Lu stessu locali, de’ fhjiancu a palazzu Ciliberti, ospitàu puru la Latteria de’ don Ruoccu Aracri.
Lu Rioggiaru de’ ‘nta lu viculu, venìa de Santu Pietru, e siccome viaggiava cu lu postali pe’ Catanzaru chi partìa a li 12.30, svolgìa l’attività adeguandusi a l’orari stabiliti pe’ la partenza … si perdìa lu postali, avìa mu rientra a peda!
Cuomu dira … havìa sempre mu guarda lu riuoggiu!
 
 
Crivari e 'Mbastari
 
Mo’ ni sedimu supra sta panchina nta la chjiazza de’ San Fhranciscu, pecchì arrivau lu momentu mu ti parru de dui viecchji mistieri chi no’ ‘ncuntramu ‘nta lu percorsu chi stacimu fhaciendu: “lu crivaru” e “lu mbastaru”.
Lu primu - “crivaru” – era accussì chjiamatu pecchì, oltre a cisti, panara spuorti e cuifhini fhacìa pur “criva”: era nu setacciu chi servìa mu separa lu ranu e l’uorghjiu de’ l’impurità.
L’attru, - “lu mbastaru” – fhacìa “li mbasti”, na seggha rustica chi venìa usata mu si po’ carricara lu ciucciu o lu mulu e mu si puonu portara cuosi ncampagna e de’ la campagna.
Tutti dui sti mistieri, cattaru ormai in disusu, ma quando lu ciucciu, lu mulu e lu cavagghu eranu l’unici mezzi de’ trasportu sia de’ perzuni che de cuosi, lu lavoru de’ st’artigiani diventava preziosu e fhondamentali.
L’unicu ‘mbastaru chi fhatigava e chi io mi ricuordu ‘nta Curnga, fhu mastru Fhranciscu Bianca chi lavorava ‘nta na putifha ricavata de’ nu suttascala de la casa sua, arriedi a la Chjiesa de’ la Mmaculata.
Giacominu Gargano e Saveriu Russo eranu li dui crivari de’ Curnga.
Cuomu ti havìa accennatu, chisti fhacianu cisti de’ variu fhormatu in basi a la fhunzioni e usu chi havìa mu si fhacia (panara pe’ la vindigna, pe’ l’alivi o fhrutti de ogni tipu; cisti de trasportu cuomu li   cuofhini; cisti pe’ trasportu de’ panni de’ lavara e cistuni pe’ Vucati, li criva e li rivestimenti de li damigiani de vitru).
Puru li materiali chi venìanu usati cangiavanu a sicundu l’usu: pe’ li Cistuni de Vucatu si usava la canna asciutta e tagghjiata a listiegghi, li Cuofhini vinìanu fhatti cu bacchietti diritti (Polloni) chi criscìanu a li piedi de li livari e de’ attri pianti de’ fhruttu, e de’ ligari chi ‘nta la marina nostra, sparsa de’ paludi, abbundavanu.
Pe’ fhinira, pe’ li panara pe’ l’alivi si usava la canna fhina mentre li manici venìanu fhatti cu bacchietti intrecciati.
La materia prima cu cui si costruianu cisti, cuofhini e panara, eranu propri chigghi bacchietti diritti chi criscianu a lu peda de’ la livara e chi venìanu de solitu tagghjiati.
Si usavanu puru bacchietti de’ Urmu, de’ canna e de’ vimini.
Mu’ si puonu utilizzara, li bacchietti havìanu mu eranu flessibili e avutti quantu era la dimensioni de’ lu panaru de costruira.
Quandu volìanu mu fhanu ‘ncunu panaru o cista artistica, jiungiendo ‘ncunu culuri diversu, si usavanu bacchietti de’ mortigghara servaggia, de’ granatu, salicuni o de pirucutugnu chi non’era però fhacilmente reperibili.
Eranu li stessi mastri chi ricogghjienu, scegghjianu e pulizzavanu lu materiali occorrenti che, de’ solitu lavuravanu supra lu mignanu de’ casa cu tuttu lu materiali ‘ntuornu. . . in seguitu ti dicu qual’era lu modu e la tecnica de’ lavorazioni de chisti artigiani.
Ti dicu semplicemente ca la lavorazioni no’ prevedìa l’usu de’ strumenti particolari ma si usava sulu nu’ curtegghuzzu bellu affilatu mu si pulizzanu e mu si spaccanu li canni e mu si tagghjianu li bacchietti de li pedali de li livari o de l’attri pianti chi ti dissi.