Na Macelleria e la tradizioni de lu Puorcu.

Na Macelleria e la tradizioni de lu Puorcu.
De seguitu trovamu nu locali chi ospitau sempre na’ Macelleria.
‘Nta l’anni si susseguiru diversi proprietari ma cangiau soprattutto lu sistema de vindira e lu modu de’ conservara la carni cu frigoriferi moderni. All’epoca de li primi proprietari, i fratelli Giuseppe e Pietru Mazzotta, la carni, chi arrivava de’ allevamenti fhamiliari, venìa mpenduta a quarti a certi ganci e misa ‘nvista de li passanti.
La testa de l’animali venìa mpenduta addirittura fhora de la porta e indicava la qualità e lu tipu d’animalu (vitiegghu, agniegghu, puorcu).
 Mi ricuordu ancora lu sangu chi culava de’ la testa de li caprietti mpenduti, chi scurrìa ammienzu la strata.
De stu sistema macabru-fholkloristicu, si passau a li nuovi metudi chi rispettanu li normi de’ l’igienici e profhessionali.
De li Mazzuotti, la Macelleria passau a li mani de’ nu proprietariu de origini Spagnuoli nsocietà cu cumpara Totu Trovatu de Curnga, e mpini diventau puru la Macellerìa de’ Pasquali Trovatu (patuolu), urtimu proprietariu chi mi ricuordu.
La carni de’ vitiegghu era ‘n’alimentu de lussu chi no’ tutti si potianu permettira tranne nta li jiuorni de fhesta, mentre quasi tutti li fhamigghji havìanu lu puocu d’allevavano chi ammazzavano ogni annu e chi fornìa carni pe’ tuttu l’annu (sozzizza, soppressati, vrasciuoli sutta la grassu, mangularu ecc.).
Lu puorcu si accattava ancora gnirru (picciulu), appena svezzatu a la fhera de’ la Nuzziata ad’Acconìa, e pua allevatu e curatu; l’estati seguìa la fhamigghjia a mara! fhina a quandu non’arrivava lu periodu ‘nvernali quandu s’ammazzavanu li puorci.
‘Nta li misi de’ Jennaru e Fhrevaru, ‘nta li carrieri de curnga, la matìna priestu, era nu continu sentìra de’ grugniti chi si trasformavano ‘nta veri e propri gridati, de’ li puorci de’ turnu chi venìanu scannati.
 ‘Nta la mentalità paisana, lu scannara de’ lu puorcu era nu jiuornu de’ fhesta, sia pe’ la fhamigghjia ca pe’ tutti chigghi chi partecipavano, ma soprattutto pe’ li fhigghjiuoli chi, usati ‘nta attività secondari, si sentianu già randi.
Nta sta jiornata, li fhigghjiuoli de’ fhamigghjia, no’ jianu mancu a la scola; era n’assenza giustifhicata.
Lu puorcu venìa misu supra lu scannu e tenutu fhiermu de’ quattru uomini fhorzuti mentre nu quintu, lu cchiù espertu, provvedìa mu lu ‘mpila cu lu scannaturi e mu l’ammazza; era compitu de li fhimmini ricogghjira lu sangu ‘nta n’appositu stagnatu, girandulu cu na paletta costantemente mu evita mu si nduriscia.
Pepponi, chi lavorava a lu Macellu Comunali, venìa spessu prenotatu mu ammazza lu Puorcu de’ chigghji chi no’ disponianu de’ na perzuna capaci mu lu fhà.
Si passava pua a la pilatura de lu puorcu cu acqua gugghjiente pigghjiata cu lanciegghi de nta la coddara chi, misa supra lu luci a li primi luci de la jiuornata, dunava lu vìa a tutti l’operazioni . . .  “a coddara gugghjia, potimu cominciara”
 Si dìcia ca de lu puorcu no’ si jietta nenta, e chistu è veru, soprattutto a chigghi tiempi, pecchì tuttu venìa trasformatu e conservatu: grassu, sozzizza, soppressati, capicoggha, mangularu, e pua pruppietti, gelatina, sanguinacciu e addirittura nziti gruossi, ngenere tirati de la cuda, chi venìanu utilizzati de li scarpari cuomu terminali de’ lu spacu nzivatu pe’cusira li tomaji.
Mu si praparanu li sozzizza e li soppressati, la carni s’accijiava a pezza no’ troppu randi, si salava e doppu chi si mbiscava cu la cunserva de pipi russi e aromatizzata cu spiezzi, venìa nsaccata ‘nta li vudeggha accuratamenta lavati, si dicìa   … a li sette fhjumari
Na preparazioni particolari si usava mu si prepara lu sangu de’ puorcu: venìa cuottu a bagnu maria doppu chi si jiungìanu, a dosi particolari, vinu cuottu, zzuccaru, cacau, ccicculata, cannella, nuci, anucigghi e scorza de mandarinu. Misu ‘nta boccacci de vitru, si mangiava cuomu nu durci.
Lu puorcu ammazzatu fhinìa cu tutti li mbitati a tavula:  … ragù, suffrittu, fhrittuli, gambuni, …   tuttu “annegatu” cu vinu de Salici … era nu momentu d’aggregazioni e de’ ritrovu pe’ tutti l’amici.
Ojia si trova de’ tuttu e de’ cchiù ‘nta li supermercati, ma de’ chigghi prodotti antichi, de’ chigghi sapuri e adduri, potimu sulu conservara lu ricordu.
Nu Sartu particolari e nu Negoziu de Stoffi.
Sembra ncredibili ma ‘nta sta carrera ceca nc’era la putifha de n’attru Sartu, chi era notu nta curnga pecchì era specializzatu mu fhacia nu pezzu mportanti de lu costumi tipicu curinghisi: “u mbustu”.
No’ su sicuru, ma mi sembra ca si chiamava Micu Trovatu chi, emigratu ‘nta l’America, quando tornau a lu paisi si portau cu igghu na machina de cusira particolari chi nci consentìa mu realizza chistu capu d’abigliamentu de cui si conserva sulu ncuna traccia.
Lu costumi tipicu curinghisi era fhattu de’ vari capi e ncunu de chisti assumìa nu particolari significatu e trasmettìa nu messaggiu diversu a sicundu lu culuri: ad’esempiu “u pannu” pe’ li signorini era caffè mentre chigghu de’ li fhimmini spusati era russu. Puru la differenza de li tessuti chi venìanu usati mu si confezionanu li vari pezzi, cuomu puru la presenza de ricami, orli e fhrangi, eranu segnu de’ appartenenza a nu certu cetu sociali e a li condizioni economici de’ la fhamigghjia.
Chistu negoziu vicinu fhù lu negoziu de Mastru Natali Pallaria chi pua ereditau lu fhigghjiu Totò. De chigghi tiempi era nu negoziu de tessuti pe’ Sarti, de’ filati pe’ lu tilaru e fhilu pe’ ricamara.
Eranu tanti li giuviniegghi chi ricamavano sia a lu laboratoriu de li Monachi a Santu Lia ca ggha li Maistri, esperti ricamatrici chi mparavanu a li signorini mu ricamanu.
Jira a la Maistra era l’occasioni, e spessu era l’unica, mu si ‘ncuntranu cu lu nnammuratu o sulu mu si scambianu nu sguardu … puru de luntanu. Havianu mu s’accuntantanu e … aspettara accussì lu matrimoniu. Attri tiempi! …
Ma tornamu a lu negoziu de Totò Pallaria: ‘nta l’anni fhù capaci mu arricchiscia lu negoziu vindiendu Capi d’abbigliamentu e puru scarpi. Vicinu, ‘nta lu locali quasi adiacenti, allestìu n’ampia vitrina, duve esponìa li miegghjiu l’articuli de’ cui disponìa.
‘Nta tiempi diversi ‘nta stu locali, cuomu ‘nta chigghu vicinu, mi ricuordu dui negozi de frutta e verdura. 
Lu primu era de’ Santu Fhedericu chi lu dassau sulu doppu chi diventau Cantonieri.
Lu sicundu, chi operàu ‘nta tiempi diversi, era de’ Giuseppe Curciu (“Pepponi”).
Sta putifha, ‘nta lu periodi de’ la fhera de’ la Mmaculata, si trasformava ‘nta na bettula e li pietanzi venìanu preparati ‘nta st’angulu all’apertu, e lu profhumu si sentìa e stuzzicava lu palatu de’ la fholla de’ li visitaturi chi venianu a la fhera.
Pepponi fhu puru lu “Vandieri” chi sostituiu Compara Bestianu Trovatu.
Jiettava lu Vandu quandu arrivava de’ fhora ncunu prodottu diverzu (li Pisci do’ Pizzu), oppuru mu annuncia fhatti chi si svolgìanu ‘nta curnga (soprattuttu quandu venìa lu Castraturi, lu Stagnìnu o l’Arrotìnu).
Era nu divertimentu quando lu gestori de lu Cinema Diana; Basiliu Attanasi, nci affidava, o a cumpara Bestianu o a Pepponi, lu fhogliu scrittu chi riguardava lu film chi nc’era mproiezioni: scrivìa sia li nomi de’ l’attori protagonisti ca lu titulu de lu film, direttamenta in inglesi!
Immaggina chi potìa venira fhora! …
Nu Fherramenta e nu Generi Alimentari.
A lu latu oppostu de la strata, ‘nc’era la putifha de scarparu de Giovambattista Grassu. Era n’eccezzionali sonaturi de’ mandulinu e pe’ chistu venìa spessu ‘ngaggiatu pe’ li fhamosi serenati, accumpagnatu de’ nu chitarrista de turnu. Ojia, lu cambiamentu de la società, cancellau chistu modu de dichiarara l’amuri a la propria fhidanzata, e li telefonini sostituiru li melodii de lu passatu cu sterili messaggi. Prima mu jiamu oltre, vuogghjiu mu ti parru de lu negoziu de’ fherramenta de mastru Giuanni Curciu.  Cuomu tutti li negozi de fherramenta, era attrezzatu de tuttu chigghu chi servìa a li vari mastri ‘mpegnati ‘nta vari attività, pe’ cui trovavi vernici, chjiova, cuoiu e sola pe’ scarpari, zzappi e runchi e tuttu chigghu chi servìa. Cca trovavi puru li puosti, cioè chigghi chjiva chi servìanu mu si ‘mperranu ciucci e cavagghj. Mastru Giuanni havìa puru la passioni de’ la musica, sonava la trumba ‘nta la Banda musicali de lu Maestru Alfredu chi passàu pua a lu Maestru Pomparelli. La mugghjiera de mastru Giuanni appartenìa a chiggha categorìa de’ fhimmini chi tessìanu, ma chi all’occorrenza aiutava lu maritu ‘nta lu negoziu senza pe’ chistu trascurara li fhaccendi domestichi. Li fhimmini de’ l’epoca, cuomu pua notàra, lavoravano sempra fhaciendu qualsiasi attività, … li quattru chjiacchjieri cu la commara, si scangiavano mentra li mani fhatigavanu!   Si usava puru fhara visita a l’amica vicìna mu … parravanu nu puocu … ma si portava sempre lu lavoru appriessu.
A chistu propositu si ricorda n’iconografhia de’ lu 1822 chi riguarda lu costumi calabrisi, fhattu de nu certu Della Gatta, de’ lu titulu “Costume d’andar facendo tre mestieri” (da speciale l’AGORA’ – marzo 1997)
Mi ricuoru vagamente ca, ‘nta stu spiazzu si affacciava puru la putifha de’ mastru Tumasi Surrienti, chi quando no’ lavorava de’ scarparu, fhacìa lu contadinu zzappandu terra e fhaciendu l’uortu.
Certu ti sembra stranu, continu mu ti parru de li posti duva passài la vita mia de’ cotraru, e ti descrivu la vita e tuttu chigghu chi si fhacìa, ma ormai, cuomu pua vidìra, sti posti sunu tutti trasformati … li putifhi de’ l’artigiani diventaru garagi e no’ ‘nci sunu cchiù mancu li puorti ma, sulu serrandi … li putifhi de’ generi alimentari fhuru ormai sostituiti de’ supermarket …, nugghu si ricorda de’ li scarpari e mancu si parra cchjiù de’ li fhorgiari.
Sutta la casa de’ Cirianni, Giuseppe Peruginu vindìa lu pana chi sfurnava de lu fhurnu chi havìa a San Giuseppe.
Sta putifha de generi alimentari era n’emporiu pecchì trattava tutti li merci possibili ed’immagginabili.
 … lu primu ‘mpattu era cu li scarpi sempre esposti fhora de’ la porta.
‘Nta l’anni successivi ‘nta stu locali, Pietru De Datu, de’ professioni Sartu, si misa nu negoziu d’abbigliamentu e all’internu svolgia lu mistieri de’ Sartu fhorniendu a li clienti, la possibilità mu accurcia manichi o cavuzzi de abiti confezionati e mu li porta a misura.
N’attri dui negozi, e arrivamu ‘nta lu chjianu de San Fhranciscu chi, a li tiempi mia, era lu centru de’ tutti l’attività commerciali de lu paisi.
Lu primu negoziu era chigghu de’ don Vicienzu Cefhalì.
Sta putifha, era nu consorzi agrariu pecchì fhornìa simienti d’ogni generi, ciciari, poseggha attrezzi de’lavoru e piantini pe’ l’uortu.
Era specializzatu pe’ stuoccu e pe’ baccalà, chi vindìa sia a cghjiappi salati ca già spugnati e pronti pe’ la cucina.
Tri vaschi cu acqua corrente, contenianu li chjiappi, curati cu tanta maestrìa prima mu arrivavanu supra la tavula de’ li curinghisi.
Lu negoziu non’havìa ritmi sostenuti e spessu trovavi quattru amici chi portavanu avanti discussioni animati, ma ‘nteressanti.
A seguìra, lu Tabacchinu de’ don Micu Cefalì, fhrata de’ don Vicienzu.
Cuomu tant’attri putifhi, puru chista no’ si limitava mu vinda sulu Sicaretti e Fhrancubulli, ma ‘nc’era puru na’ discreta Cartoleria e puru Generi Alimentari duva era possibili mu ti fhai preparara nu paninu cu mortatella profhumatissima, appena tagghjiata. Nu’ datu coriusu: li dui putifhi, alimentari e tabacchi, pe’ li leggi de’ l’epoca, eranu regulati de’ orari diversi d’apertura a lu pubblicu. Vistu ca li dui putifhi occupavano lu stessu locali, adottau na soluzioni n’ingegnosa!!!: misa na tenda a fiorellini, chi partìa de n’angulu de muru e dividìa ‘ndiagonali, l’interu locali, separandu accussì li dui putifhi e rispettandu de’ conseguenza la leggi.
De’ temperamentu fhacilmente irritabbili, non’ammettìa replichi supa a chigghu chi dicìa; ad’esempiu, quando lu riestu de’ na spisa era de’ dui o tri liri, venìa sempre rimpiazzata cu caramelli e . . . guai si no’ ti li pigghjiavi.