Na Cantina, lu Stagninu e nu Fhorgiaru.

Na Cantina, lu Stagninu e nu Fhorgiaru.
Mo’ ti parru de li Cantini, locali duva si vindìa lu vinu de produzioni locali chi, ‘ncorrispondenza de’ ncuna fhestività paisana, si trasformavano ‘nta Bettuli.
Chista, all’angulu oppostu a la sartorìa de’ Peppinuzzu, era la Cantina de Mastru Pietru Senese, n’uomu abbastanza avuttu, robustu e de carattere gioviali.
Lu locali, non’era dotatu de’ randi arredi: na damigiana de 50 litri appojiata supra lu Bancuni, de’ duva spillava lu vinu; nu’ lavandìnu mu lava li bicchera; dui tavoli cu dui banchi de’ lignu; e na menzula duva appojiava li bicchieri e li misuri de’ quartu, de’ litru e de’mienzu litru.
La caratteristica de’ sta’ cantina era la presenza de’ na zona riservata: a n’angulu de’ lu locali, dui pareti de’ compenzatu cu na’ tenda, criavanu nu postu riservatu, ammucciatu all’uocchji ‘ndiscreti. Chistu spaziu era quasi sempre occupatu de’ perzuni “bene” de’ Curnga chi, pe’ lu ruolu chi ricoprìanu, era puocu dignitosu mu si fhanu vidira ‘nta na Bettula e magari doppu chi havìanu izzatu nu’ puocu lu vùvitu!
Fhrequentaturi abituali de stu spaziu riservatu eranu: Don Carru Piro (Maestru Elementari ma puru sindacu de’ Curnga), Don Cicciu Paonessa (Direttori del la Posta), Totò Paola (puru igghu Direttori de’ Posta), Don Battista Gaudino (Impiegatu Esattoriali), Mastru Vitinu Sgruomo (Fhalignami) e li giuvini emergenti de lu momentu Totu Granatu e Vicienzu Lo Russu.
Ncun’attru fhacìa brevi apparizioni nta stu gruppu d’amici, ma non’havìa fhrequenza stabili.
Spessu si spizzicava ‘nmodu mu scinda miegghjiu lu vinu chi Mastru Pietru servìa.
Castagni, nuci, luppini, arangi, mandarini e attru, eranu alimenti chi ognunu si portava de’ la casa, e certi vuoti era Mastru Pietru stessu chi li tenìa arriedi lu bancuni e li dunava a cui ‘nda fhacìa richiesta.
‘Nta lu periodu autunnali li sirati eranu cchjiù mbitanti pecchì lu vinu venìa accumpagnatu de’ “fhungi fhritti” chi, portati da‘ casa, venìanu conzumati cu’ l’amici arriedi a la “Tenda Russa”, accussì cuomu scherzandu, venìa chjiamatu stu ripostigliu.
Nta li Cantini, lu numaru de’ li clienti era proporzionali a la qualità de’ lu vinu che venìa vindutu; lu vinu buonu venìa subitu ricanusciutu e ricumpenzatu de’ na presenza superiori rispettu a chiggha de’ l’attri e, cu lu passa parola, si vindìa nta n’attimu.
Li numerosi cantini de curnga in occasioni de’ la fhera de la Mmaculata diventavano “Bettuli”, duva era possibili acumpagnara cu’ vinu novellu, soprattuttu Vinu Jiancu de’ l’annata, Baccalà fhrittu, spezzatinu d’agniegghu, alìvi scacciati, pipi ncugnettati e tant’attru; tuttu de’ produzioni locali.
Procediendu versu la Chjiazza, ‘ncuntramu la putifha de Stagninu de’ Mastru Peppini Cilibertu, espertu ‘nta la lavorazioni de’ la landia chi usava mu costruiscia giarri d’uogghjiu de’ vari dimensioni, Olieri de tavula, fhormini pe’ durci e ogni attru tipu de’ contenitori, a cui ‘nci dunava sempre nu’ toccu artisticu e n’aspettu gradevoli nonostanti fhussaru fhatti sulu de’ landia, e utilizzandu sulu na pinza, nu martiegghu e nu salsaturi a Stagnu.
Lu locali era strittu ed’era occupatu prevalentemente de li giarri già pronti chi venìanu accatastati fhina a quando no’ si vindìanu. La vendita avvenìa in’occasioni de li fhieri quandu, ‘ncunu occasionali fheraru si l’accattava, oppuru direttamente a cui l’havìa commissionati ma chi spessu li dassava a la putifha, fhina a quando non’havìa li sordi mu li po’ pagara.
Lu bancu de’ lavoru era picciulu e de fhorma quatrata e lu mentìa sempre vicinu a la porta d’ingressu ‘nmodu mu po’ vidìra miegghjiu.
Mastru Peppinu era n’uomu taciturnu, parrava puocu e cu puocu perzuni, sempre ‘mpegnatu ‘nta lu lavoru chi svolgìa cu competenza, onestamenta e dignitosamenta.
N’attru stagninu chi mi ricuordu era Mastru Cicciu Bianca, chi fhacìa li stessi cuosi ‘nta nu locali arriedi a la Chjiesa de la Mmaculata nchjianandu pe’ Via Nazionali.
Difronte a sta putifha, ‘nd’havìa n’attra chi era la fhorgia de Mastru Micu Calvieri, n’attru lavoratori de lu fhierru chi si dedicava, cuomu tutti l’attri, a lu ‘mperrara de’ Ciucci, Muli e Cavagghi.
‘Nta certi periodi affilava fhoccigghjia pe’ Metìra, accietti pe’ Putara, e soprattutto curteggha quandu arrivava l’ura mu s’ammazza lu Puorcu.
Zzappi, accietti, fhoccighjia e palietti pe’ lu fhocularu eranu li prodotti principali chi venìanu realizzati ‘nta sta Fhorgia.
Nu particolari distinguìa sta putifha de l’attri: lu “Mantici”, chi servìa mu si ravviva lu luci e chi fhunzionava a pedala; tutti l’attri Fhorgiari, usavanu na’ ventula azionata a manovella.
Puru ‘nta sta putifha li Ciucci si mperravanu ammienzu la strata, a rischiu e periculu de’ tutti li passanti.
Nu generi Alimentari, nu Scarparu e na Cantina
Li locali duva ojia ‘nc’esta lu studiu fotograficu, a li tiempi mìa, ospitava nu’ Generi Alimentari e la porta vicina nu’ scarparu.
La primu negoziu era de’ proprietà de li genitori de l’attuali fhotografu, Don Battista Curradu e donna Vatricia la mugghjiera.
Oltre a li generi alimentari, lu negoziu era fornitu puru de scarpi de’ lavoru (stivali de’ gumma e scarpuni) ed’era puru lu depositu esclusivu all’ingrossu de la “Birra Peroni” chi venìa distribuita a tutti l’attri commercianti de la zona. Lu negoziu era gestitu prevalentemente de la mugghjiera pecchì don Battista, jìa spessu a lu Pizzu e a Nicastru cu lu Leoncìnu mu porta arrobba, mu po’ rifhornira de’ provvisti tutti l’attri negozi.
Disponìa puru de nu depositu de materiali pe’ l’edilizia, soprattuttu cimentu, chi fhornìa tutti li muraturi de’ Curnga.
La putifha de’ scarparu chi si trovava a lu fhjiancu, era chiggha de’ Mastru ‘Ntuoni Curradu. No’ ‘nc’è de’ fhara meravigghjia si nta Curnga li scarpari eranu tanti pecchì, all’epoca, ‘nta li paisi picciuli, no’ ‘nc’eranu negozi de scarpi ed’eranu propri li scarpari chi, oltre mu l’aggiustanu, li fhacìanu de’ sana pianta, soprattutto chigghi pe’ uomu.
Chisti scarpi eranu spessu l’unici de’ na vita, e havìanu mu eranu buoni pe’ la campagna e pe’ la città, e oltre ca mu sunu commidi, havìanu mu duranu cchjiù tiempu possibbili e spessu passavanu de patra a fhigghjiu o de’ nu fhrata a n’attru.
Mu si fhacìanu durara de cchjiù, supra li pietti, si ‘nchiovavanu l’attacci; a li punti, si mentianu li parapunti, e a li tacchi li paratacchi, tuttu de’ fhierru lucidu. (Semiluni metallici ‘nchjiovati sutta la punti e sutta li tacchi de li scarpi).
Li fhimmini si accattavunu li scarpi a Santu Pietru, a lu Pizzu oppure a Nicastru, ma non’era pe’ nente fhacili mu si arriva a sti paisi pecchì li mezzi scarzijiavanu e lu trasportu costituia nu’ problema.
Li scarpari, na’ vota pigghjiati li misuri, nta breve tiempu costruianu li scarpi; no’ propi all’urtimu gridu, ma de certu cu materiali de’ qualità e resistenti ‘nta l’anni.
Cuomu li scarpari, Curnga havìa nu discretu numaru de cantini sparsi pe’ li vari rioni, o duva lu produttori de’ vinu disponìa de nu catuoijiu de’ adibira a cantina. Ti spiegu miegghjiu: oltre a li cantinieri de professioni, lu vinu venìa vindutu puru de chigghi zzappaturi chi coltivandu la vigna pe’ necessità personali e chi producìanu nu quantitativu de vinu superiori a lu necessariu.
De’ precisara, ca na rasula de’ vigna l’havìanu tutti li curinghisi!
Chisti cantinieri occasionali, potìanu vindìra lu vinu a condizioni ca pagavanu la “gabbeggha”, e la cantina era propriu lu magazzinu duva abitualmente tenìanu li Vutti e li provvisti, chi pe’ l’occasioni, venìa attrezzatu cu nu tavulinu, cu bicchera e cu li misuri classici (litru, quartu ecc.). Quandu supra na’ porta ‘nc’era na fhrasca de’ livara cu na’ bottiglieggha chjina de’ vinu (jiancu o russu) mpenduta, gghà significava ca ‘nc’era na cantina nova e ca si vindìa vinu. Naturalmente chista cantina restava aperta finu a quando durava lu vinu, pua, la fhrasca, venìa cacciata e la cantina chjiusa.
Li cantini, pe’ li vivituri, era nu’ luogu de ritrovu e no’ sulu nu luogu duva si vindìa vinu.
Na’ caratteristica, era lu jiuocu de li carti. Si jiungianu quattru amici, e si jiocavanu nu certu quantitativu de vinu chi venìa pagatu de cui perdìa la partita a li carti, e chi si vivìa fhaciendu lu patruni e sutta tra li stessi jiocaturi. Certi vuoti, cu stu sistema, ‘ncunu restava all’urmu, no’ ‘nci nda toccava mancu na vuccia de vinu, restandu a vucca asciutta, e chistu era motivu de schernu, tant’è veru chi certi vuoti ruppìanu puru l’amicizia tra de’ igghi.
Lu Ciucciu cu la . . . retromarcia
Sta porta sdarrupata, fhracida e cadenti, mi la ricuordu chi era nu Laboratoriu cu nu Tilaru chi tessìa a lu ritmu chi la campana de la Chjiesa de la Mmaculata ccà vicina, scandìa la durata de’ la jiornata lavorativa; si fhatigava de’ lu Mattutinu a lu Vespru.
‘Nta tuttu stu tiempu, hai mu sai ca si lavorava senza sosta, e duranti chigghi chi ojia si puonu defhinira pausi de’ riposu, la fhimmina provvedìa a la gestioni de’ la casa e de’ la fhamigghjia.
Li fhimmini de’ casa (casalinghi), na vota, fhinìanu la jiornata de’ fhatiga ‘nta lu silenziu de la notta: quando tutta la fhamigghjia dormìa, si sistemava la cucina e si penzava già a lu lavoru de lu jiuornu doppu sistemandu li canniegghi e li matassi de fhilu supa li rocchetti … inchjinu li canniegghi  … , si ‘ntrecciavanu fhrangi o si fhacìa  lu puntu ‘ngiornu a li tuvagghji o cuvierti già tessuti, fhina a qundu l’urtimu tizzuni de lu fhocularu no’ si astutava e restava ancora ‘ncuna ura mu si riposa prima de l’iniziu de’ na nova jiornata.
Prima ancora, cuomu mi cuntava patrima, chistu magazzinu, de proprietà de “Mastro Giovannangelo Vonu”, vinna usatu pe’ vari attività. Ospitava lu “Parmientu”, pe’ pischijiara la racina, nu torchjiu, ncuna vutti e tuttu quantu era necessariu pe’ la conservazioni e la vindita de lu vinu. ‘Nta n’angulu vicinu a la porta tenìa lu bancariegghu de’ scarparu cu tutti l’attrezzi chi usava pemmu svolgia chista attività; fhacìa puru lu scarparu.
L’urtima porta, puru iggha sdarrupata e de’ sua proprietà, era ed’esta nu catuojiu strittu e luongu chi havìa na’ mangiatura e dui tavuli appojiati supa dui pali, chi fhacìanu de’ soppalcu pemmu appojia na’ balla de’ fhienu pecchì, lu mafhazzinu, era puru la staggha duva la sira, chjiudìa lu ciucciu.
La staggha era tanta stritta chi lu ciucciu non’havìa nuggha possibilità de movimentu a lu puntu chi cuomu trasìa havìa mu nescia; si dicìa ca lu ciucciu havìa la marcia ‘ndietru.
 ‘Nta la carrera de la Petra Chjiana, trovamu n’attra bettula, chiggha de don Micu Gullu duva era possibili jiocara a li carti, vicina a chiggha de Brunu Sgruomu de Corsu Garibaldi e chiggha de’ Mastru Pietru Senese de via Martiri.
Ti domandi cuomu mai nci fhuru tanti cantini tantu vicini l’una cu l’attra, ma si nci fhai casu sunu tutti supra a strati diversi pecchì a chigghi tiempi, pemmu si po’ ottenira la licenza de vendita, era necessariu ca supra la stessa vìa no’ ‘nc’era ncun’attru chi fhacìa la stessa cosa.
A chistu propositu, . . .  ‘nta lu Passu (sutta la casa de Ciliberti) Micu Piru, ‘nta lu locali chi diventau pua Biblioteca, Bar, Macellerìa . . . pemmu ottena la licenza mu vinda Vinu, happa pemmu costruiscia nu murettu, chi ancora ojia esista, pe’ cui, lu locali, de Corsu Garibaldi diventau Chjiazza Mmaculata.