Nu Fhalignami, nu Tilaru e nu Custurieri

Nu Fhalignami, nu Tilaru e nu Custurieri
 
Dassamu chjiazza Mmaculata e procedimu pe’ la via principali de Curnga “Corsu Garibaldi”, chi porta a la chjiazza principali “Armandu Diaz”. No’ jiamu pe’ mo’, a Via Roma o Sutta la Via, com’è denominata de li curinghisi, pecchì supa sta via, nc’eranu puocu attività, e chiggha chi mi ricuordu e chi era la cchjiù mportanti, era la fhalignamerìa de’ Mastrargantuoni (Bruno Argantonio) e si trovava proprio all’incrocio tra via Roma e Vico Mastroianni
Mastru Argantuoni era n’omoni, d’animu buonu e “de chjiesa”, sempre presenti ad ogni fhunzioni religiosa.
Disponìa de’ nu stuolu de’ discipuli, ognunu de li quali era addettu a na’ particolari attività: nc’era cui preparava la coggha, cui era espertu mu’ passa la cartavitrata, cui verniciava ecc.
De li mani de lu Mastru, nescianu lavori pregiati de lignu, eseguiti tutti cu scarpeggha e ‘ncunu attrezzu elettricu.
Ricuordu sulu dui machini azionati de la corrente elettrica, ed’eranu ‘na piallatrici, chi era puru na’ Serra Rotativa, e ‘na Serra a Nastru, fhatta de dui ruoti randi disposti una supra l’attra, chi trascinavano lu nastru dentatu pe’ serrara li tavuli e li tavuluni.
‘Nta sta putifha, fhatigavanu puru Mastru Vitu Sgruomu e Mastru Peppinu Sorrenti, prima mu si apirinu na putifha ‘nta lu passu, pe li fhatti loru, accussì cuomu t’havìa già dittu quandu ierumu nta lu Passu.
Era nu’ concorziu d’opera tra Fhorgiari, Fhalignami, Vitrari, Muraturi, chi assiemi a li zzappaturi e a li contadini, portavanu avanti l’economia de stu paisi.
Mo’, n’incamminamu pe’ lu Corsu principali de’ curnga, “Corsu Garibaldi”.
‘Nta stu catuojiu venianu tessuti cuvierti de sita, linzola, cammisi de’ linu pe fhimmini, scialli culurati e asciugamani cu’ fhrangi de’ valori pregiatu: chistu era lu laboratoriu de’ tessitura de’ Donna Lucriezza Frijia e prima ancora de’ mammasa, Donna Cuncetta Mazza.
La porta sempre aperta, era chjiusa de’ na porteggha chi, avutta circa nu’ metru, havìa la fhunzioni mu mantena na’ certa riservatezza, na barriera chi separava lu laboratoriu de’ la strata.
L’attrezzatura consistìa oltre ca ‘nta dui Tilara, chi occupavanu gran parti de’ lu mafhazzinu, ’nta n’ordituri, n’animulu e attri attrezzi cuomu lu fhusufhierru, l’inchjituri, la navetta e canniegghi de diverza dimenzioni. Si tessìa de’ lu Mattutinu a lu Vespru mu si prepara la dota de li fhigghjiuoli fhimmini de’ maritara.
A li Tilara lavuravanu donna Lucriezza, li soluri Ngiuanna e Sabbegghuzza e li niputi Polituzza e Cuncetta, e prima de’ igghi, donna Cuncetta, mammasa de donna Lucriezza, puru iggha fhimmina competente de’ tessitura.
L’operazioni necessari prima de la tessitura, venianu preparati de la tessitrici e suggeriti a la patruna de l’Ordituri.
Nci fhornìa la lunghezza, la larghezza e lu tipu de’ orditu, e donna Lucriezza nci suggerìa quantu matassi havìa mu accatta; certi clienti, nci dassavanu carta bianca nta tuttu pecchì, oltre ca commissionara tuvagghji de fhacci, olinzola o ancora cuvierti a li Cincu Pedaluori, no’ sapianu mu suggeriscianu attru.
Li calculi quindi, li fhacìa donna Lucriezza ‘mbasi a lu tipu de trama chi volìa tessuta, a li dimenzioni de lu fhilatu, a la larghezza chi volìa ottenira, e a lu disegnu chi si prefherìa (rigatu, scozzesi) mu si tessa.
Cu tutti sti fhattori, havìa mu si scegghjia la dimenzioni de lu Piettinu chi stabilia lu numeru de fhila pe’ centimetru, e ogni fhilu venìa tiratu supa l’Ordituri pe’ lu numaru stabilitu de’ la lunghezza necessaria. L’ordituri era l’attrezzo principali de’ stu laboratoriu, ed’era l’attrezzu chi permettìa mu si prepara l’orditu.
Era fhattu de nu certu numaru de’ perna mpilati nta na cornici de lignu, appojiata a lu muru, e misi a la distanza giusta nmodu mu sostena sia la grossezza ca la lunghezza giusta de la trama.
Nc’eranu puru li buchi pe’ jiungira ncunu piernu, quandu magari, la lunghezza de’ lu tessutu, era ancora cchjiu longa de’ lu normali.
Passandu de’ nu piernu a n’attru a zigghi zagghi, s’ottenia la lunghezza, mentre lu numaru de li fhila venìa stabilitu de la larghezza chi si volìa ottenira.
Mu si capiscia quantu fhila nci volìanu, basta penzara ca pe’ 30 centimetri de larghezza, usandu lana grossa, nci nda volìa 90 fhila; pe’ la stessa misura de larghezza e cu fhila sottili, nci nda volìanu nu centinaru opuocu de’ cchjiù. Puru la colorazioni de li tessuti venìa fhatta anticamente nta stu postu.
Pe’ culurara li tessuti nmodu artigianali, si adoperavano prodotti vegetali naturali prima mu arrivanu li coloranti chimici.
Si usavanu: Pampini de’ Sambucu, Scorza de Nuci e Granatu.
Si usava puru l’acqua arruggiata de’ fherra de ciucciu pemmu si ottena n’appositu culuri anzi, li fherra venianu misi apposta nta l’acqua nmodu mu culuranu sempre de cchjiù l’acqua.
Lu Sambucu e la Scorza de nuci venianu usati pe’ segnalara la misura supa l’ordituri de na Canna, circa dui metri d’orditu.
Resista ancura ‘ncunu viecchjiu Tilaru ‘nta lu paisi, ma la profhessioni vera e propria, scumparìu completamente.
De’ l’attività ligati a la tessitura de lu Linu e de la Sita, ti nda parru appena fhacimu na sosta supa lu muru de lu passu.
Ti spiegu puru l’arti mu si coltiva lu Linu e allevara lu Bacu de Sita chi, nta Curnga, si coltivava a lu stessu modu de cuomu si siminava lu Ranu e si chjiantava lu Ndianu.
A lu stessu modu de’ la Varverìa duva si ritrovavano l’uomini, lu laboratoriu cu lu tilaru rappresentava lu corrispettivu postu de’ aggregazioni pe’ li fhimmini; li fhimmini cchjiù anziani si dedicavano a la fhilatùra de la stuppa o delu Linu, cuntandu stori passati a li fhimminiegghi chi si ‘mparavanu mu Tessanu, mu cusanu o mu ricamanu. De seguitu, a la porta affiancu, ‘nc’era na fhorgia chi ‘mperrava Ciucci e Cavagghi chi, all’epoca, abbundavano nta curga.
Mastru Sarvaturi era puru, assiemi a lu fhrata Fhranciscu, l’autori de barcuni e ringhieri fhatti de fhierru battutu; Fhacìanu puru serraturi, cala scindi, tripoda, palietti e spiti pe’ lu fhocularu e tuttu quantu era possibili fhara cu lu fhierru . . . Sientu ancora la puzza de unghji de’ ciucciu chi venìenu vruscjiati duranti l’operazioni de fherratura, mu si fhanu assestara miegghjiu li fherra supa l’unghji de’ le ciucciu.
L’operazioni si svolgìa all’apertu e lu patruni de lu Ciucciu era addettu mu tena fherma la zampa de lu ciucciu ‘nta la miegghjiu posizioni, ma nonostanti tuttu, ‘ncunu ciucciu si mentìa a scalpitara mentiendu a rischiu l’incolumità de’ ncunu passanti.
La putifha era nu’ continu via vai de’ perzuni chi, no’ necessariamente havianu bisuognu de’ na’ nova fherratura de’ ciucciu, ma piuttosto la necessità de’ affilara curteggha, fhuorvici o attrezzi de’ campagna cuomu fhavucci, accietti, pichi e zzappi.
Mu si mperranu li Vùa, l’operazioni no’ venìa fhatta avanti a la fhorgia, ma a domiciliu, ‘nta l’aperta campagna de’ curnga o de’ attri paisi vicini de’ la zona. Ojia, ‘nta lu paisi o ncampagna, no’ si fhanu cchjù lavori de’ stu generi pecchì li Trattori e li Motozzappi li sotituiru completamente lavurandu a lu postu de li Vùa, e si ‘ncunu Paricchjiu ancora resista (fhorze a la muntagna), no’ saparìa mu ti dicu duva si trova. Chistu locali chi fha angulu cu vicu Salita Martiri, na’ vota, ospitava la putifha de Mastru Ndrìa Perugino. De espertu Scarparu com’era, Mastru Ndrìa rescìa mu renda nova qualsiasi cosa nci capitava pe’ li mani, puru li cuosi cchiù mbecchjiarrunati.
‘Nta li mani sua tornavanu nuovi puru li primi palloni de’ cuoju chi, doppu na partita, eranu sbentrati cuomu na’ Vizzica.
Mu fhacia scarpi de’ palloni su misura, era ‘nattra sua specialità, e li costruia supra richiesta, e . . .  pe’ cui si li potìa permettira.
Cu lu passara de’ lu tiempu, la putifha cangiau destinazioni e diventau ‘na Varverìa – Sartoria de’ Peppinuzzu Pallaria chi, cu sapira fhara, rescìa mu svolgia, cuomu era usu de’ chigghi tiempi, tutti li dui attività: Varva e Capigghi ‘nta la putifha de nu Sartu. Chista putifha fhù puru la Sede Sociali de la prima squatra de’ Calciu de Curnga; ccà si discutiru li problemi de’ la squatra e si svolgiru li primi elezioni de li primi Dirigenti de’ la squatra nta l’anni ’40 – ’50. Cuomu ogni attru mistirei, puru chista putifha contribuia a la fhormazioni de’ la squatra de li Varvieri, chi si scuntrava cu’ l’attri squatri de l’attri categorì (Fhalignami, Fhorgiari, Scarpari, ecc.), ‘nta tornei chi appassionavanu tutti li curinghisi. Tra li vari apprendisti de’ sta Putifha mi ricuordu: Bestianu Malacari, Peppa Gaudinu e Battistinu Lo Scerbu, tutti cotrari e giovanotti ancora senza varva.
Arrivau lu momentu mu fhacimu na sosta supa lu Muru de lu Passu.
Assettamuni nu muorzu supa na panchina de lu Passu, pecchì vuogghjiu mu ti parru de la mportanza chi happaru la coltivazioni de lu Linu e l’allevamentu de lu Bacu de Sita ‘nta Curnga, materiali primari pe’ la tessitura, cu li tanti Tilara presenti.
Lu Linu
Lu Linu venìa coltivatu nta la chiana de’ Curnga ed’era na risorza pe’ tutti li fhamigghji chi lu potìanu fhara, soprattuttu pe’ la fhibra chi fhornìa chi doppu trattata, venìa tessuta.
Si tratta de na pianta avutta tra li 30 e li 90 centimetri, cu nu fhustu bellu dirittu, fhragili, chi si ramifhicava nta la parti fhinali cu fogli e simienti.
Criscìa fhacilmente nta li tierri de la chjiana de Curnga pecchì trovava li condizioni ideali pemmu criscia e mu si prolifhica.
Quandu li simienti eranu maturi, si ricogghjianu li pianti, si ligavanu a mazza no’ troppu randi e si dassavanu a lu sula mu si siccanu li simienti nmodu mu si puonu separara cchjiù fhacilmente de lu fhustu. La prima operazioni venìa fhatta pe’ battitura, si mentìa lu linu nta nu saccu de cannaviegghu, si cumbogghjiava tuttu per bene, e cu bastuni si pistava supa lu saccu, fhaciendu però attenzioni nommu si ruppa lu gambu de la pianta.
Li pianti, accussì privati de li semi, si fhacianu macerara nta l’acqua stagnanti pe’ nu certu tiempu, pua si fhacianu asciucara n’attra vota a lu sula e pe’ fhinira, venianu fhinarmente Manganati.
Cu na gramula (attrezzu usatu mu si maciulla e mu si sfibra lu Linu), si fhatigava de fhorza fhisica propri mu si sfibra lu Linu riduciendulu nta fibri sempre cchjiù sottili. Lu Linu accussì sfibratu, venìa passatu a lu Cardu, nu piettinu fhattu de chjiova avutti e appuntuti disposti a fhorma de’ circhjiu, de’ quatratu o de’ rettangulu, nmodu mu si rescia mu si separanu li fhibri cchjiù sottili de chigghj cchiù gruossi.
S’ottenìa accussì lu Linu veru e propriu, e la Stuppa. Li sirati de viernu, li fhimmini fhilavanu lu Linu chi cocchjianu supa n’animulu, otteniendu d’accussì li Matassi. Chisti venianu Gugghjiuti nta nu stagnatu cu acqua e Cinnara, nmodu mu si sbiancanu e mu perdanu lu culuri giallognulu. Nc’era n’operazioni fhinali, chi si fhacia a la fhiumara, cu abbondanti acqua chjiara, li matassi venianu (Curati) Vagnati e asciucati prima mu venanu tessuti. La Tila chi nescìa de la Tessitura, venìa n’attra vota curata cioè, portata a la fhjiumara, vagnata, pistata asciucata e rivagnata; si fhacìa asciucara a lu sula liuni stenduta supa li ruvettara ggha presenti, e si ripetìa l’operazioni tanti vuoti quantu era necessariu mu si sbianca e mu si renda bella morbida. De li trusci de Tila, si fhacia ogni sorta d’indumentu (cammisi, mutanti e magli pe’ uomu e fhimmina) ma puru linzola, tuvagghji e servietti pe’la cucina.
Bacu de Sita
N’attra attività chi li fhamigghji praticavanu, era l’allevamentu de lu Bacu de Sita chi, a differenza de lu Linu, nci volìa cchjiù pacienza e cchjiù dedizzioni. Cui decidia mu alleva lu Bacu, havìa mu dispona de’ na stanza bella randa pecchì, fhara na cosa del genere, richjiedìa spaziu e tiempu. Lu Bacu de sita, venìa prima tenutu a lu chjiusu mu po’ fhara tuttu lu sua ciclu vitali, nta locali riparati e riscaldati, duva si portavanu li fhogli de cievuzzu necessari mu s’alimenta.
Lu primu statu è l’uovu chi depona la farfalla (ogni fimmina nda depona finu a 400/500).
Quandu l’ova venianu riscaldati, s’apirianu e nescianu certi larvi affamati.
Ogni larva cangiava muta pe’ quattru vuoti (cangiava la peggha) e ad’ogni muta corrispondìa na fhasi de’ criscita.
Quandu fhinìa la vita larvali, lu Bacu cercava n’appigliu duva volìa mu fhissa lu capu de la sita chi producìa, e doppu 3-4 jiuorni, havìa fhinutu de fhara lu Bossulu de’ la dimenzioni de’ na cumpetta o puocu cchjiù randa.
 Nta lu bozzulu prodottu, lu Bacu volìa mu s’avvolgia mu si protegge de eventuali predaturi, e accussì protettu, mu fhà la metamorfosi, mu si trasformava cioè nta na’ crisalide o pupa.
De nta lu bozzulu, a metamorfosi avvenuta, nescia na farfalla chi no’ mangia cchjiù e chi no’ vola.
Fhimmina e masculu, appena nesciuti de lu bozzulu si accoppianu e pua la fhimmina depona l’ova, e doppu 10-15 jiuorni mora defhinitivamente.
Lu bozzulu è fhattu de dui proteini: (Fhibrina e Sirocina) e pemmu s’ottena la Sita, cioè la Fhibrina, si mentìa lu bozzulu nta l’acqua cavudda nmodu mu si fha sciogghjira la Sirocina (chi racchjiudìa la Fibrina), si spazzolava chigghu chi restava de lu Bozzulu nmodu mu si trova lu capufhilu chi si ligava a n’animulu chi, girandu, ricogghjia la Sita prodotta de’ lu Bacu.
De nu Bozzulu, s’ottenianu circa dui chilometri de Sita.